राज्याच्या राजकारणात सातत्याने विविध घटना घडत आहेत. यामुळे मागील काही दिवसांपासून राजकीय वातावरण चांगलेच तापले आहे. अजूनही सत्ताधारी आणि विरोधक यांच्यात आरोपप्रत्यारोप पहायला मिळत आहेत. दरम्यान, आता पुन्हा एकदा भाजपच्या चित्रा वाघ यांनी ठाकरे सरकारवर टीकास्त्र सोडले आहे. ट्विट करत त्यांनी खासदार संजय राऊत (Sanjay Raut) आणि मुख्यमंत्री उद्धव ठाकरे (Uddhav Thackeray) यांच्यावर निशाणा साधला आहे.

वाघ म्हणतात, ठाकरे सरकारच्या धुरीणांना काय झालं आहे. सर्वज्ञानी संजय राऊत आणि राज्याचे सन्माननीय मुख्यमंत्री तुरूंगात जायला तयार आहेत. याशिवाय किशोरी पेडणेकर तर मला फाशी द्या, असे म्हणत आहेत. विरोधी पक्षनेते देवेंद्र फडणवीस यांच्या पेन ड्राईव्हच्या अस्त्रामुळे 'खेळ खल्लास' ही भावना एकुणच बळावलेली दिसत आहे, असा चिमटा त्यांनी काढला आहे.

दरम्यान, सध्या राज्यात अधिवेशन सुरु आहे. यात सत्ताधारी आणि विरोधकांनी एकमेकाला चांगलंच धारेवर धरलं आहे. विरोधकांनी सत्ताधाऱ्यांचे अनेक घोटाळे बाहेर काढल्याने वाद निर्माण झाले आहेत. या टीकेनंतर सत्ताधारी गटातील नेतेही भाजपा नेत्यांवर तुटुन पडले आहेत. यामुळे सातत्याने एकमेकांवर आरोप करण्याचे सत्र सुरुच आहे. याला मुख्यमंत्री उद्धव ठाकरेंनीही सडेतोड प्रतित्युर दिले आहे.