काँग्रेस नेते आणि राज्याचे माजी मुख्यमंत्री अशोक चव्हाण नाराज असल्याच्या चर्चा आहेत. या नाराजीमुळेच चव्हाण काँग्रेसमध्ये जाण्याच्या चर्चाही सुरू आहेत. या सगळ्यात आता काँग्रेसकडून चव्हाणांची नाराजी दूर करण्याचे प्रयत्न सुरू आहे. त्यामुळे त्यांना काँग्रेसचं प्रदेशाध्यक्ष पद मिळण्याचीही शक्यता आहे.

गेल्या अनेक दिवसांपासून अशोक चव्हाण काँग्रेसवर नाराज असल्याचं दिसून आलं. देवेंद्र फडणवीस तसंच भाजपा नेत्यांच्या भेटी, त्यानंतर भाजपा नेत्यांची सूचक विधानं यामुळे चव्हाणांच्या भाजपा प्रवेशाच्या चर्चांना जास्तच हवा मिळत होती. त्यामुळे अशोक चव्हाण भाजपामध्ये जाणार अशा चर्चा राजकीय वर्तुळात रंगत होत्या.

या सगळ्यात आता काँग्रेसने नवा डाव साधला आहे. चव्हाणांचा भाजपा प्रवेश रोखण्यासाठी आणि त्यांची नाराजी दूर करण्यासाठी काँग्रेसकडून त्यांना प्रदेशाध्यक्ष पद मिळण्याची शक्यता आहे. काँग्रेसकडून याबाबत विचार सुरू असल्याची माहिती सूत्रांनी दिली आहे.