Dasara Melava Controversy : यंदाचा दसरा मेळावा शिवाजी पार्कवर कोण घेणार यावरून सध्या राजकारण तापलेले असताना, आता मनसेने शिवसेना आणि उद्धव ठाकरेंना पुन्हा एकदा डिवचलं आहे. याबाबत मनसे नेते गजानन काळे यांनी ट्वीट करत सेनेवर बोचरी टीका केली आहे.

दसरा मेळावा वाद रंगलेला असताना मनसे नेते गजानक काळे यांनी ट्वीट करत शिवसेनेच्या दसरा मेळावा नसून ‘टोमणे मेळावा’ असे संबोधले आहे. त्यांच्या या टीकेला आता शिवसेना नेमकं काय उत्तर देणार हे पाहणे महत्त्वाचे ठरणार आहे.

गजानन काळेंचं नेमकं ट्वीट काय?

गजानन काळे यांनी केलेल्या ट्वीटमध्ये त्यांनी शिवसेनेचा शिवाजी पार्कवरील मेळावा दसरा मेळावा नसून टोमणे मेळावा असल्याचे म्हटले आहे. त्यामुळे“मुंबई मनपा आणि राज्य सरकारने शिल्लकसेनेला शिवतीर्थावर ‘टोमणे मेळावा’साठी परवानगी देवून टाकावी. खंजीर, मर्द, मावळा, वाघनखं, गद्दार, निष्ठा यातून होणाऱ्या मनोरंजनापासून महाराष्ट्राला वंचित ठेवू नये असेही काळे यांनी म्हटले आहे.

ठाकरेंची स्क्रिप्ट बारामतीवरूनच

काळे यांनी एवढ्यावरच शांत न बसता आगामी दसरा मेळाव्याची स्क्रिप्ट तशीही बारामती वरूनच येणार आहे. अबू आझमी आणि असदुद्दीन ओवेसी स्टेजवर असणार आहेत का?”, असा खोचक प्रश्नदेखील गजानन काळे यांनी उपस्थित केला आहे. तसेच अरविंद सावंत आणि विनायक राऊतांनी या प्रश्नाचं उत्तर जरूर महाराष्ट्राला द्यावं असेही काळे यांनी म्हटले आहे.