मुंबईः महापुरुषांचा अवमान, सीमावाद हे मुद्दे घेऊन उद्या मुंबईत महाविकास आघाडीचा महामोर्चा निघणार आहे. दुसरीकडे मात्र ज्या राज्यपालांमुळे हा वाद पेटला आहे, त्यांच्यासोबत राज्याचे उपमुख्यमंत्री देवेंद्र फडणवीस दिसून आले.
१९९२साली बांधण्यात आलेली राजभवनातील सचिवालयाची जीर्ण इमारत पाडण्यात आली होती. मागील तीन वर्षांपासून नवीन इमारतीचं बांधकाम सुरु होतं. आज फीत कापून इमारतीचा शुभारंभ करण्यात आला.
हेही वाचाः काय आहे सलाम किंवा कुर्निसाताचे महत्त्व राजशिष्टाचारांमध्ये
या कार्यक्रमाला राज्यपाल भगतसिंग कोश्यारी यांच्यासह उपमुख्यमंत्री देवेंद्र फडणवीस यांची उपस्थिती होती. ही नवीन इमारत तीन माळ्यांची आहे. यामध्ये तळघर, पहिला आणि दुसरा मजला आहे.
दरम्यान, राज्यपाल भगतसिंग कोश्यारी यांनी छत्रपती शिवाजी महाराज यांच्याबद्दल औरंगाबाद येथे केलेल्या वादग्रस्त विधानानंतर राज्यभरात संताप व्यक्त होत आहे. याशिवाय महाराष्ट्र-कर्नाटकचा मुद्दा तापलेला आहे. हेच मुद्दे घेऊन महाविकास आघाडीचा उद्या महामोर्चा निघत आहे. ज्या राज्यपालांच्या विरोधात राज्यात असंतोषाचं वातावरण आहे त्याच राज्यापलांसोबत देवेंद्र फणडवीस दिसले, त्यामुळे अनेकांच्या भूवया उंचावल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.