Devendra Fadnavis :  देवेंद्र फडणवीस यांच्या मोदींनी लस तयार केली, या वक्तव्यानंतर महाराष्ट्रात राजकारण पेटले होते. उद्धव ठाकरे यांनी देवेंद्र फडणवीस यांच्यावर टीका केली होती. दरम्यान आज साताऱ्यातील कराड येथे बोलताना फडणवीस यांनी उद्धव ठाकरे यांच्यावर पलटवार केला आहे.

फडणवीस म्हणाले, मोदींनी या देशामध्ये कोरोनोची लस तयार केली. मी परवा म्हटलं, तर उद्धवजींना फार झोमलं ते म्हणाले लस मोदी तयार करतात का?. मग उद्धवजी रोज सांगयचे मी राज्य चालवतो. ते काय घोडा हाकत होते की बैलबंडी हाकत होते का.

मी तर म्हणेन होय मोदींनी लस तयार केली त्याच कारण असं आहे. जगात पाच देश लस तयार करु शकले. कारण मोदींच्या संबंधामुळे आपल्याला रॉ मटेरियल मिळालं, असे देवेंद्र फडणवीस म्हणाले.

देवेंद्र फडणवीस म्हणाले, मोदी यांनीच लस तयार केली. कारण जे शास्त्रज्ञ लस तयार करत होते. मोदीजी त्यांच्याकडे गेले. त्यांना मोदींनी १८०० कोटी रुपये दिले. कोरोनाची लस तयार झाली. त्यानंतर भारतातील १४० कोटी लोकांना मोदी यांनी मोफत लस देण्याचे काम केले. महाराष्ट्रात साडेसतरा कोटी मोफत लसी मोदी यांनी दिल्या.

कोरोनाची लस मोदींनी दिली नसती तर आपण इथं बसू शकलो असतो का. काय अवस्था झाली असती आम्ही अमेरिका आणि रशियापुढे कटोरा घेऊन उभे असतो. आम्हाला लस द्या, आम्हाला लस द्या..., असे म्हटलो असतो. त्यांनी सांगितल असत थांबा आधी आमच्या लोकांना देतो. परिणाम असे झाले असते की आपल्या देशात प्रेतांचा खच पडला असता. आम्हाला इथ बसता आलं नसत. पण या देशाला दूरदर्शी पंतप्रधान मिळाले. त्यांनी हिंमतीने कोरोनाचा सामना केला, असे देवेंद्र फडणवीस म्हणाले.