मुंबई - काही दिवसांपूर्वीच भाजपचे प्रदेशाध्यक्ष चंद्रशेखर बावनकुळे यांनी अमरावती लोकसभा मतदार संघाच्या खासदार नवनीत राणा यांनी आगामी निवडणूक भाजपच्या चिन्हावर लढवावी, असं विधान केलं. त्यावर आमदार रवी राणा यांनी प्रतिक्रिया दिली आहे. (Latest Marathi News)

रवी राणा म्हणाले की, चंद्रशेखर बावनकुळे यांना मी धन्यवाद देतो, ते भाजप नेते आहे. बावनकुळे यांना वाटतं की नवनीत राणा यांनी भाजपच्या चिन्हावर लढावं. मात्र आम्ही देवेंद्र फडणवीस व केंद्रात पंतप्रधान नरेंद्र मोदी यांच्यासोबत आहोत. तर NDA चा आम्ही सुद्धा घटक आहोत. (Marathi Tajya Batmya)

दरम्यान देवेंद्र फडणवीस, अमित शहा आणि पंतप्रधान नरेंद्र मोदी हे नवनीत राणा नक्कीच आशीर्वाद देतील, असा विश्वास करताना करताना रवी राणा म्हणाले की, आम्ही NDA चे घटक आहे ते नवनीत राणा यांना पाठींबा देतील. आम्ही आघाडी धर्माचं पालन केलं. भाजपही आघाडी धर्माचं पालन करतील. तसेच खासदार नवनीत राणा या लोकसभा निवडणुकीत विजयी होतील, असा विश्वास रवी राणा यांनी व्यक्त केला.