छत्रपती संभाजीनगर : उपमुख्यमंत्री देवेंद्र फडणवीस यांच्या छत्रपती संभाजी नगर इथल्या कार्यक्रमात मेडिकल कीट मिळवण्यासाठी लाभार्थ्यांनी चांगलीच धक्काबुक्की आणि पळवापळवी झाल्याचं पहायला मिळालं. फडणवीसांचं भाषण सुरु असतानाच हा प्रकार घडल्यानं कार्यक्रमाचा फज्जा उडाला. (during devendra fadnavis speech hudred of beneficiaries stole health kits in sambhaji nagar)

आमदार प्रशांत बंब यांनी आपल्या मतदारसंघात विविध साहित्य वाटपाचा आणि विकासकामांच्या उद्घाटनाचा कार्यक्रम उपमुख्यमंत्री देवेंद्र फडणवीस यांच्या हस्ते ठेवण्यात आलं होतं. यावेळी फडणवीसांचं भाषणही होणार होतं, त्यानंतर लाभार्थांपैकी कामगार, खेळाडू आणि सर्वसामान्यांसाठी विविध प्रकारच्या कीटचं वाटप करण्यात येणार होतं. Crime News

पण हा कार्यक्रम संपेपर्यंत लोकांना स्वस्थ बसवलं नाही आणि त्यांनी फडणवीसांचं भाषण सुरु असतानाच हे कीट पळवापळवी सुरु केली. काही लोकांनी तर कीट ज्या ठिकाणी ठेवले होते त्या ठिकाणचं मांडवाचे पत्रे काढून वाट निर्माण केली आणि खोके आणि पेट्या पळवल्या. यानंतर फडणवीसांना आपलं भाषण आवरतं घ्यावं लागलं. यावेळी काही लोकांनी एकमेकांना हाणामारी देखील केली. (Marathi Tajya Batmya)

कार्यक्रामत कीट वाटपसाठी करण्यात आलेल्या नियोजनानुसार प्रत्येक लाभार्थ्याला कुपन आणि क्रमांक देण्यात आले होते. त्यामुळं प्रत्येक लाभार्थ्याला हे कीट मिळणार होतं, पण तरीही काही लाभार्थ्यांसह इतर नागरिकांनी या कीट्सची पळपळवा पळवी केली.