मुंबई : ड्रग्ज माफिया ललित पाटील फरार प्रकरणात आता राजकीय आरोप-प्रत्यारोप सुरु झाले आहेत. शिवसेनेच्या नेत्या सुषमा अंधारे यांनी दादा भुसे यांच्यावर गंभीर आरोप केल्यानंतर आता भुसेंनी देखील अंधारे यांना प्रत्युत्तर देताना गंभीर इशाराही दिला आहे. (Lalit Patil Dada Bhuse warning to Sushma Andhara after allegations)

नाना पटोलेंना आव्हान

माध्यमांशी बोलताना भुसे म्हणाले, "ललित पाटीलला मदत करणारे जो कोणी आमदार असेल, सामान्य नागरिक असेल त्याची माहिती नाना पटोलेंनी अधिवेशनाची वाट न पाहता सरकारवर विश्वास असेल तर ताबडतोब पोलिसांत तक्रार करावी. त्यांच्याकडे जी माहिती, पुरावे असतील ते त्यांनी सादर करावेत. (Latest Marathi News)

चौकशीची माझी तयारी

या सर्व विषयाच्या चौकशीची माझी तयारी आहे. मला वाटतं नाही की, याला इतकं काही महत्व दिलं पाहिजे. चौकशीत काहीच आढळून आलं नाही तर सुषमा अंधारे यांनी मालेगावच्या नागरिकांची माफी मागावी, दिलगिरी व्यक्त करावी. (Marathi Tajya Batmya)

...तर मानहानीचा दावा करणार

जगाच्या पाठीवरच्या ज्या यंत्रणेमार्फत चौकशी करायची ती करा. माझे कॉल रेकॉर्ड चेक करा ज्याच्या फोनवर आले असतील त्याचे चेक करा. कदाचित मी जर दुसऱ्याच्या फोनवरुन फोन केले असतील तर त्याचेही करावेत. पण माझ्यावरील आरोप सिद्ध न झाल्यास मी त्यांच्यावर मानहानीचा दावा दाखल करणार आहे, अशा शब्दांत दादा भुसे यांनी सुषमा अंधारे यांना कारवाईचा इशारा दिला आहे.