Maharashtra Express : नॉन इंटरलॉकिंग कामासाठी काही रेल्वे गाड्यांचे रद्दीकरण व शॉर्ट टर्मिनेट करण्यात आल्याचे रेल्वे विभागातर्फे कळविण्यात आले आहे.

गाडी क्रमांक ११४०३ व ११४०४ नागपूर - कोल्हापूर एक्सप्रेस ही ३० डिसेंबरपासून काही दिवस रद्द करण्यात आली आहे. पुणे विभागातील सांगली- मिरज दरम्यान डबल लाइनच्या कार्यासाठी ‘नॉन इंटरलॉकिंग’चे कार्य घेण्यात येत आहे. (Maharashtra Express will now run only till Pune news)

त्यामुळे काही मेल एक्सप्रेस गाड्या एकतर रद्द किंवा त्यांचे मार्ग कमी करण्यात आले आहे. भुसावळ विभागातील काही गाड्यांवर परिणाम होणार आहे.

गाडी क्रमांक ११४०३ नागपूर - कोल्हापूर एक्सप्रेस (अकोलामार्गे) ही गाडी ३० डिसेंबर २०२३, २ जानेवारी २०२४, ६ जानेवारी २०२४ या दिवशी रद्द करण्यात आली आहे.

गाडी क्रमांक ११४०४ कोल्हापूर नागपूर एक्सप्रेस अकोला मार्गे ही २९ डिसेंबर २०२३, १ जानेवारी २०२४, ५ जानेवारी २०२४ पर्यंत रद्द करण्यात येत आहे.

गाडी क्रमांक ११०४० गोंदिया - कोल्हापूर महाराष्ट्र एक्सप्रेस ही आजपासून (२५ डिसेंबर) ते ५ जानेवारी २०२४ पर्यंत पुणे स्थानकावर शॉर्ट टर्मिनेट करण्यात आली आहे. गाडी पुणे ते कोल्हापूर पर्यंत रद्द राहील.

गाडी क्रमांक ११०३९ कोल्हापूर गोंदिया महाराष्ट्र एक्सप्रेस ही २६ डिसेंबर २०२३ ते ६ जानेवारी २०२४ पर्यंत पुणे स्थानकापासून आपल्या नियोजित वेळेत सुटेल. गाडी कोल्हापूर ते पुणे रद्द राहील. प्रवाशांना या बदलाची नोंद घ्यावी, असे रेल्वेतर्फे कळविण्यात आले आहे.