Uddhav Thackeray: उद्धव ठाकरे यांनी आज शेतकऱ्यांसोबत पत्रकार परिषद घेतली. हिंगोलीआणि वाशिम येथील शेतकऱ्यांनी उद्धव ठाकरे यांची भेट घेतली. यावेळी शेतकऱ्यांनी त्यांची भावना व्यक्त केली.

राज्यातील शेतकरी अडचणीत आहे. हे शेतकरी स्वत:चे अवयव विकण्यासाठी आले होते. सोयाबिन उद्धवस्त झालं. कापूस गेला आता पिककर्ज भरण्यासाठी पैसे नाहीत म्हणून आम्ही आमचे अवयव विकायला काढले. सरकारने अवयव विकत घ्यावे आणि आमची कर्जफेड करावी, असे शेतकरी म्हणाले.

शेतकऱ्यांनी अवयव विक्रिचा रेट कार्ड जाहीर केला. सरकारने कर्जाचे नियोजन करावे, अशी मागणी उद्धव ठाकरे यांनी केली आहे. (Latest Marathi News)

विमा कंपन्यांच्या डोक्यावर ८ हजार कोटी सरकारने घातले. १ रुपयाला विमा दिला होता. तो विमा कुठं आहे, कुणाला मिळाला?. आता नुकसान भरपाई, पंचनामे थांबवा आणि शेतकऱ्यांना सरळ कर्जमुक्ती द्या. ही शिवसेनीची मागणी आहे, असे उद्धव ठाकरे म्हणाले.

५ राज्यातील गॅस सिलिंडरचे भाव मतदान झाल्यानंतर परत वाढले आहेत. एवढा खोटारडेपणा यापूर्वी कधी झाला नव्हता. मात्र आता शेतकऱ्यांनी ताकद सरकारल दाखवण्याची वेळ आली आहे, असे उद्धव ठाकरे म्हणाले.