महाराष्ट्रातल्या स्थानिक स्वराज्य संस्थांच्या निवडणुका कधी होणार? याकडे राज्याचं लक्ष लागून आहे. या निवडणुका कधी होणार याबाबतचा निर्णय आज सर्वोच्च न्यायालयात होणार आहे. निवडणूक आयोगाने १३ तारखेला सर्वोच्च न्यायालयात याचिका दाखल केली होती. त्यावर आज दुपारी २ वाजता सुनावणी होणार आहे.

निवडणूक आयोगाने महानगरपालिका, नगरपंचायत निवडणूक सप्टेंबरमध्ये, जिल्हा परिषद, ग्रामपंचायत निवडणूक ऑक्टोबरमध्ये घेण्यात याव्यात अशी विनंती केली आहे. त्यामुळे यावर आता सर्वोच्च न्यायालय काय निर्णय देणार? हे आज कळेल.

गेल्या दोन अडीच वर्षांपासून या निवडणुका प्रलंबित आहेत. या निवडणुका शहरी आणि ग्रामीण या दोन टप्प्यांमध्ये पार पडण्याची शक्यता आहे.