नवी दिल्ली : पंतप्रधान नरेंद्र मोदी यांनी काल NDAमधील महाराष्ट्रातील खासदारांची दिल्लीतील महाराष्ट्र सदनमध्ये बैठक घेतली. यावेळी त्यांनी शरद पवारांचा उल्लेख करत काँग्रेसवर जोरदार हल्लाबोल केला होता. त्यांच्या या विधानावर काँग्रेसचे प्रदेशाध्यक्ष नाना पटोले यांनी प्रत्युत्तर दिलं आहे. शरद पवारांना PM मोदींनी पंतप्रधान करावं असं म्हटलं आहे. (Make Sharad Pawar Prime Minister Nana Patole counterattack on PM Modi)

पंतप्रधान मोदी काय म्हणाले होते?

काँग्रेसच्या घराणेशाहीच्या राजकारणानं देशाचं नुकसान केलं आहे. या पक्षानं कायम आपल्या पक्षातील क्षमता असलेल्या नेत्यांना डावललं आहे. त्यामुळंच शरद पवारांना देखील पंतप्रधान होण्याची संधी मिळाली नाही, असं मोदींनी यावेळी म्हटलं होतं. (Marathi Tajya Batmya)

नाना पटोलेंनी केला पलटवार

मोदींच्या काँग्रेसवरील या आरोपांवर नाना पटोले यांनी पलटवार केला आहे. पंतप्रधान मोदींना जर शरद पवारांची इतकीच चिंता असेल तर त्यांनी पवारांना पंतप्रधान बनवून टाकावं, असं नाना पटोले यांनी म्हटलं आहे. (Latest Marathi News)

दरम्यान, मोदींनी NDAच्या बैठकीत शिवसेनेवरही पहिल्यांदाच भाष्य केलं. आम्ही एकत्र निवडणूक लढवली तसेच एकत्र सत्तेत असतानाही शिवसेनेकडून टीक होतच राहिली, विनाकारण वाद उकरुन काढले गेले. ही टीका पण आम्ही सहन केली, अशा शब्दांत मोदींनी उद्धव ठाकरेंवर टीका केली होती.