मुंबई: अमृत महोत्सवी स्वातंत्र्यदिनाच्या भाषणाच्या दरम्यान मुख्यमंत्री उद्धव ठाकरे (cm uddhav thackeray) यांचा गोंधळ उडाल्याचं पाहायला मिळालं होतं. तोच मुद्दा पकडून मुख्यमंत्र्यांवर टीका करताना नारायण राणे (narayan rane) यांची जीभ घसरली आणि संपूर्ण महाराष्ट्रातील राजकीय वातावरण ढवळून निघालं. नारायण राणेंच्या विधानाविरोधात राज्यभरात शिवसैनिकांनी (shivsainik) आक्रमक होत, हिंसक आंदोलन (protest) केली.

कुठे नारायण राणेंच्या पोस्टरला काळं फासलं, कुठे पोस्टर फाडली, प्रतिकात्मक पुतळण्याचे दहन केले. काही ठिकाणी भाजपा कार्यालयांवर हल्ले केले. त्या विधानाबद्दल नारायण राणेंना अटकही झाली होती. पण काहीवेळातच त्यांची जामिनावर सुटका झाली. स्वातंत्र्यदिनाच्या कार्यक्रमात बोलताना मुख्यमंत्र्यांचा ज्या मुद्यावरुन गोंधळ झाला होता. तोच धागा पकडून नितेश राणेंनी एक टि्वट केले आहे.

या टि्वटमध्ये त्यांनी रौप्य महोत्सव, सुवर्ण महोत्सव, हीरक महोत्सव आणि अमृत महोत्सव कशाला म्हणतात, त्याची माहिती दिली आहे. स्टेशन परिसरात लावलेल्या फलकाचा फोटो त्यांनी पोस्ट केला आहे. नितेश राणेंनी या टि्वटमध्ये वरती एक आठवण असा संदेश लिहिताना हसण्याचा इमोजोही पोस्ट केला आहे.

नेमकं काय घडलं होतं?

अमृत महोत्सवी स्वातंत्र्यदिनाच्या भाषणाच्या दरम्यान मुख्यमंत्री उद्धव ठाकरे यांचा गोंधळ उडाल्याचं पाहायला मिळालं होतं. हा नक्की स्वातंत्र्याचा अमृत महोत्सव आहे की हिरक महोत्सव असा प्रश्न त्यांना पडला होता. त्यांनतर त्यांनी याबाबत मुख्य सचिव सिताराम कुंटे यांचा विचारणा केली. त्यांनी अमृत महोत्सवी स्वातंत्र्यदिन असल्याचं सांगितल्यानंतर मुख्यमंत्र्यांनी आपलं भाषण पूर्ण केलं होतं.