मुंबई : महाराष्ट्र नवनिर्माण सेनेचे अध्यक्ष राज ठाकरे हे तृणमूल काँग्रेसच्या अध्यक्षा आणि पश्चिम बंगालच्या मुख्यमंत्री ममता बॅनर्जी यांची भेट घेणार आहेत. येत्या एक ऑगस्टला इव्हीएमच्या मुद्द्यावरून भेट घेणार आहेत. 

लोकसभेच्या निकालानंतर इव्हीएमच्या मुद्दावर प्रश्नचिन्ह उपस्थित करण्यात आले होते. त्यानंतर आता राज ठाकरे सर्व विरोधी पक्षांतील नेतेमंडळींची भेट घेणार असून, त्याच पार्श्वभूमीवर ममता बॅनर्जी यांची ते भेट घेणार आहेत.

दरम्यान, राज ठाकरे यांनी इव्हीएमसह विविध मुद्द्यावरून निवडणूक आयोगाकडे धाव घेतली होती. मात्र, निवडणूक आयोगाने त्यांच्या मागण्या धडकावून लावल्या होत्या. त्यानंतर आता राज ठाकरे यांच्याकडून विरोधी पक्षांतील नेतेमंडळींची भेटी घेणे सुरु केल्याचे दिसत आहे.