राष्ट्रपतींच्या अभिभाषणावरील आभार प्रस्वावावर राष्ट्रवादीचे खासदार अमोल कोल्हेंनी (Amol Kolhe) केंद्र सरकारला (Central Government) चांगलंच धारेवर धरलं. देशात कोरोना संसर्गामुळे (Covid 19) निर्माण झालेली परिस्थिती, सांप्रदायिकता, बेरोजगारीसारख्या महत्वाच्या मुद्यांवरुन केंद्र सरकारवर निशाणा साधला. यावेळी अमोल कोल्हेंनी कवितेच्या माध्यमातून सरकारवर टीका केली.

अमोक कोल्हेंनी कवितेच्या माध्यमातून केंद्र सरकारवर निशाणा साधला. यावेळी त्यांनी देशातील परिस्थितीवर बोट ठेवलं.

"अमृतकाल में देश उस दौर से गुजर रहा है,

जब मीडिया सरकार से ज्यादा

विपक्ष से सवाल पूछ रहा है!

और देशभक्ति का सर्टिफिकेट सोशल मीडिया पर,

अंध भक्तों से दिया जा रहा है!

फिर भी उम्मीद है वह दिन आएगा

जब देश का युवा जाग जाएगा,

और सांप्रदायिकता ग्रहण छूटकर

सर्वसमावेशकता का सूरज निकल आएगा!"

देशातील बेरोजगार तरुणांच्या डोक्यात सांप्रदायिकतेचं, भेदभावाचं विष पेरण्याचं काम सुरू आहे. देशातील तरुणांनो मंदिर तयार कराल की मस्जिद हा प्रश्न विचारला जातोय. उद्या त्यात चर्च आणि गुरुद्वारांचा समावेश होईल. मात्र एक दिवस येईल जेव्हा तुम्हाला तरुण मंदिर मस्जिद सोडून रोजगाराबद्दल प्रश्न विचारतील असं अमोर कोल्हे म्हणाले.