हिंदू मुलींकडे पाहाल तर डोळे काढून म्युझियममध्ये ठेवेन असा इशारा लव्ह जिहाद प्रकरणी नितेश राणे यांनी दिला आहे. पाटणमध्ये आज महाआक्रोश मोर्चात बोलताना नितेश राणे यांनी वरील इशारा दिला आहे. यावेळी त्यांनी लव्ह जिहादविषयी जोरदार हल्लाबोल करत हिंदू धर्मानं आता जागं होणं गरजेचं असल्याचा सल्ला दिला आहे. यावेळी त्यांनी लव्ह जिहाद कायद्याविषयीही मागणी केली आहे.

हेही वाचा : इच्छापत्र करायचंय...मग या गोष्टी नक्कीच माहिती हव्यात....

आपल्या इथे हिंदूंची संख्या जास्त असूनही आणि मूठभर जिहादी असूनही ते आपल्याला भारी पडत असतील तर छत्रपती शिवाजी महाराज यांच्यासमोर नतमस्तक होण्याची आपली कुवत आहे का? असा सवाल त्यांनी हिंदूं बांधवांना केला आहे.

दरम्यान, राणेंनी थेट डोळे काढून म्युझियमध्ये ठेवण्याची भाषा केल्याने हा वाद उफाळून येण्याची शक्यता वर्तवली जात आहे. राणेंनी केलेल्या लव्ह जिहाद कायद्याच्या मागणीवर अजित पवारांनी प्रतिक्रिया देत कुणाच्याही मागणीवरून कायदा बनत नसतो असे म्हटले आहे.