Rahul Narwekar: देशभरात अपवाद वगळता सत्तेला पारखे झालेल्या काँग्रेस पक्षाला कर्नाटकात मिळालेल्या विजयाने आज नवसंजीवनी मिळाली. येथील विधानसभा निवडणुकीत सत्ताधारी भाजपला चारीमुंड्या चित करत काँग्रेसने १३६ जागांवर विजय मिळवित बहुमतासाठी आवश्‍यक असलेला ११३ जागांचा आकडाही सहज पार केला.

आता कर्नाटकमध्ये स्वबळावर काँग्रेस सत्ता स्थापन करण्यासाठी तयार आहे. यावर देशासह विविध राजकीय पक्षांचे नेते प्रतिक्रिया देत आहेत. या निकालवर ठाकरे गटाचे खासदार संजय राऊत यांनी प्रतिक्रिया दिली असून त्यांनी भाजपवर गंभीर आरोप केले आहेत.

ते म्हणाले की, भाजपचे देशभरातील आर्मी कर्नाटकमध्ये येवून देखील भाजपचा इथे पराभव झाला १९७८ साली इंदिरा गांधी यांच्यासोबत झालं होतं त्याची सुरूवात पुन्हा एकदा कर्नाटक पासून चालू झाली आहे, त्यामुळे कर्नाटक तो झाँकी महाराष्ट्र अभी बाकी" तर पुढं म्हणाले आम्ही २०२४ ची तयारी करत आहोत महाराष्ट्र हे भाजपने लुटलेलं राज्य आहे. त्यामुळे हे राज्य जास्त दिवस त्यांच्याकडे टिकणारं नाही" अशी प्रतिक्रिया संजय राऊतांनी दिली.

महाराष्ट्राच्या सत्तासंघर्षावर बोलताना म्हणाले की, "विधानसभेचे अध्यक्ष राहुल नार्वेकर लंडन मधून मुलाखत देतात, शिवसेनेचे १६ आमदार कसे अपात्र होतील याविषयी तिकडे प्रवचना करतात. त्यांच्यावर टीका करताना म्हणाले नार्वेकर यांचा पक्षांतराचा इतिहास मोठा आहे, त्यांच्याकडून न्यायाची अपेक्षा आम्ही करत नाही.

आम्ही फक्त सुप्रिम कोर्टाने दिलेल्या निर्देशांचे पालन करण्याचे आव्हान करत आहोत. नाही तर महाराष्ट्र काय आहे हे आम्हाला दाखवावं लागेल, ही धमकी नाही, तुम्ही कायद्याचे पालन करा, पक्षांतराला उत्तेजन देवून तुम्ही लोकशाहीचं आणि स्वातंत्र्याची हत्या करत आहात ती आम्ही होवून देणार नाही, आपण जर खरंच वकील असाल तर कायद्या चौकटीत राहून निकाला द्या" अशा तिखट भाषेत राऊतांनी विधानसभेचे अध्यक्ष राहुल नार्वेकरांना सुनावलं आहे.