कोल्हापूर - भाजप नेत्या पंकजा मुंडे या राजकारणातील ब्रेकनंतर शिवशक्ती परिक्रमा यात्रेनिमित्त राज्यव्यापी दौऱ्यावर आहेत. त्यांचा दौरा आज कोल्हापुरात होता. यावेळी त्यांनी श्री करवीर निवासिनी अंबाबाईचे दर्शन घेतले. यावेळी त्यांनी माध्यमांशी संवाद साधला.

पंकजा मुंडे म्हणाल्या की, यात्रेला मोठ्या प्रमाणात प्रतिसाद मिळत आहे. अनेक ठिकाणी मोठमोठे सत्कार सोहळे पार पडत आहेत. मी सत्कार सोहळ्यांना नको सांगितलं, कारण आपण बोलू असं मी सांगत आहे. यावेळी पंकजा मुंडे यांनी पहिल्या मुख्यमंत्री व्हावं, अशी इच्छा व्यक्त केल्याचा प्रश्न विचारलं असता पंकजा म्हणाल्या की, मागील १० वर्षांपासून कार्यकर्त्यांना वाटतं मी मुख्यमंत्री व्हावं. यात काहीही नवीन नाही, असंही त्यांनी नमूद केलं.

मागील काही दिवसांपासून पंकजा मुडे शिवशक्ती परिक्रमा करत आहेत. याआधी त्यांनी विधानसभा निवडणुकीआधा आपण पुन्हा एक यात्रा काढणार असल्याचं म्हटल होतं.