पुणेः पिंपरी- चिंचवड शहरातील तळवडे परिसरात केकवरील फायर कँडल बनवणाऱ्या एका कारखान्याला आग लागली. यामध्ये सहा जणांचा मृत्यू झाल्याची माहिती आहे.

या कारखान्याला शुक्रवारी दुपारी ३ वाजता आग लागली. या घटनेत आत्तापर्यंत सहा जणांचा होरपळून मृत्यू झाल्याची माहिती मिळत आहे. दरम्यान, या घटनेत मृत्यू झालेले सर्व कामगार हे राज्याबाहेरील असून या कारखान्यात काम करत होते.

मृत्यूचा आकडा वाढण्याची शक्यता असून रुग्णवाहिका घटनास्थळी दाखल झाल्या आहेत. तसेच आगीवर नियंत्रण मिळवायला अग्निशमन दलाला यश आले आहे. आगीचे कारण अद्याप मात्र अस्पष्ट आहे.