पुणे :  आज राज्यात 125 ओमायक्रॉन बाधित रुग्णांची नोंद झाली. हे सर्व रुग्ण पुणे मनपा क्षेत्रातील आहेत. (Pune District Omicron Updates)

आजपर्यंत राज्यात एकूण 2199 ओमायक्रॉन विषाणू बाधित रुग्ण आढळले आहेत. यातील 26 रुग्ण हे इतर राज्यातील तर प्रत्येकी 1 रुग्ण पालघर, जळगाव, नवी मुंबई, नाशिक, रायगड आणि औरंगाबाद येथील आहे. 7 रुग्ण ठाणे आणि 4 रुग्ण कोल्हापूर जिल्ह्यातील आहेत. तर 9 रुग्ण विदेशी नागरिक आहेत. मुंबई आंतरराष्ट्रीय विमानतळावरील सर्वेक्षणात हे रुग्ण आढळले आहेत.

आज सापडलेल्या बाधितांपैकी 87 रुग्ण भारतीय विज्ञान शिक्षण आणि संशोधन संस्था तर 38 रुग्ण राष्ट्रीय रासायनिक प्रयोगशाळा यांनी कळवले आहेत. एकूण रुग्णांपैकी 1144 रुग्ण ओमायक्रॉनमुक्त झाले आहेत. आतापर्यंत 5530 प्रयोगशाळा नमुने जनुकीय तपासणीसाठी पाठविण्यात आले आहेत. यापैकी 96 नमुन्यांचा अहवाल अद्याप प्रलंबित आहे.