मुंबई : मी धर्मांध नाही तर धर्माभिमानी आहे. मशिदींवरील भोंग्याबाबत आधीही बोललो होतो. परंतु, ते अद्यापही सुरूच आहे. प्रार्थनेला विरोध नाही. मात्र, भोंगे काढावे (Remove masjid speaker) लागतील. सरकारला हा निर्णय घ्यावाच लागले. अन्यथा आम्ही भोंग्यांविरोधात दुप्पट लाउडस्पीकर लावून हनुमान चालिसा वाचवू, असा इशारा मनसे अध्यक्ष राज ठाकरे (Raj thackeray) यांनी दिला.

कोरोना आटोक्यात आल्यानंतर तब्बल दोन वर्षांनी मनसेचा गुढीपाडवा मेळावा मुंबईतील शिवाजी पार्कवर पार पडला. यावेळी हजारोंच्या संख्येने नागरिकांनी गर्दी केली होती. मेळाव्याला संबोधित करताना राज ठाकरे यांनी मशिदीवरील भोंग्यावरील मुद्दा उपस्थित करून सरकार व मुस्लिमांवर निशाणा साधला.

मशिदीवरील भोंग्यांचा मुद्दा नेहमीच चर्चेचा विषय राहिला आहे. याला अनेकदा विरोध झाला आहे. पहाटे पाच वजतापासून भोंगे वाजत असल्याने झोप होत नाही. परीक्षेच्या काळात मुलांचा अभ्यास होत नाही. असे अनेक कारणं पुढे करून भोंग्यापासून सुटका मिळावी अशी मागणी होत आहे. दोन वर्षांनंतर झालेल्या मनसेचा गुढीपाडवा मेळाव्यात राज ठाकरे यांनी हा मुद्दा उपस्थित केला.

मी धर्मांध नाही तर धर्माभिमानी आहे. आमचा प्रार्थनेला कोणताही विरोध नाही. मात्र, पहाटेपासून भोंगे वाजत असल्याने त्रास होतो. मशिदीवरील भोंगे काढा (Remove masjid speaker). सरकारने यावर निर्णय घेतलाच पाहिजे. अन्यथा या मशिदीवर भोंगे वाजतील त्याच्यासमोर दुप्पट लाउडस्पीकर लावून हनुमान चालिसा वाचली जाईल, असा इशारा राजे ठाकरे (Raj thackeray) यांनी दिला.