राज्यात सध्या राज्यसभा निवडणुकीसाठीचं मतदान सुरू आहे. विविध पक्षांचे आमदार विधानभवनात दाखल झाले आहेत. आत्तापर्यंत ५० टक्के मतदानही झालेलं आहे. या सगळ्या धामधुमीतच शिवसेनेचे या निवडणुकीसाठीचे उमेदवार संजय राऊत यांनी एक ट्वीट केलं आहे. यामध्ये त्यांनी एक बोलका फोटोही शेअर केला आहे. (Sanjay Raut Tweet)

आपल्या ट्वीटमध्ये संजय राऊत म्हणतात, "झुठी शान के परिंदे ही ज्यादा फडफडाते हैं...! बाझ की उडान में कभी आवाज नही होती..!! जय महाराष्ट्र..!!!" या ट्वीटसोबतच त्यांनी आपल्या डोळ्यांचा फोटोही शेअर केला आहे. हा फोटो आणि त्यावरच्या या ओळींमुळे संजय राऊतांच्या या ट्वीटचा रोख कुणाकडे आहे, याची चर्चा होत आहेत.

दरम्यान, राज्यसभा निवडणुकीच्या मतदानासाठी आता मुख्यमंत्री उद्धव ठाकरे विधानभवनात दाखल झाले आहेत. आत्तापर्यंत १७० आमदारांनी मतदान केलं असून आता मतदानाची टक्केवारी ५० टक्क्यांहूनही अधिक झाली आहे. राष्ट्रवादीच्या १० आमदारांनी पहिली पसंती म्हणून शिवसेनेचे उमेदवार संजय पवार यांना मतं दिली आहेत.