मुंबईः रत्नागिरीतल्या बारसुमध्ये होणाऱ्या रिफायनरीला मोठ्या प्रमाणावर विरोध होतांना दिसून येत आहे. ठाकरे गटाने रिफायनरीला कडाडून विरोध केल्याने शिवसेना नेते रामदास कदम यांनी उद्धव ठाकरेंवर खरमरीत टीका केली आहे.
बारसु येथील स्थानिकांनी रिफायनरीला विरोध केला आहे. विधानसभेचे विरोधी पक्षनेते अजित पवार यांनी मात्र प्रकल्प चांगला असेल तर यायला पाहिजे, अशी भूमिका जाहीर केली.
बारसु येथील स्थानिकांशी चर्चा करण्यासाठी उद्धव ठाकरे भेट देणार आहेत. त्यावरुन रामदास कदम यांनी त्यांच्यावर खरमरीत टीका केली आहे. रामदास कदम म्हणाले की, उद्धव ठाकरे हे मुख्यमंत्री असतांना मी स्वतः त्यांना बारसुची जागा दाखवली होती. मात्र आता ते सरड्यासारखा रंग बदलत आहेत.
कदम पुढे म्हणाले की, जो प्रस्ताव तुम्हीच पाठवला त्याला आता का विरोध करत आहात? बारसुमध्ये कायदा सुव्यवस्थेचा प्रश्न निर्माण व्हावा यासाठी ते जात असल्याचा आरोप कदमांनी केला.
दरम्यान, बारसु प्रकरण सध्या तापलेलं आहे. स्थानिकांनी सरकारसोबत चर्चा करावी, असं आवाहन उद्योगमंत्री उदय सामंत यांनी केलं होतं. स्थानिकांनी मात्र जमीन सर्वेक्षण थांबवल्याशिवाय चर्चा होणार नसल्याचा इशारा दिला होता.
सध्या हे आंदोलन स्थगित करण्यात आलेलं आहे. परंतु आणखी तीव्र स्वरुपात आंदोलन होण्याची शक्यता आहे. राज्यातले मोठमोठे नेते याबाबत तोडगा काढण्यासाठी सरसावले असल्याची माहिती आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.