मुंबई - राष्ट्रवादी काँग्रेसचे आमदार रोहित पवार यांनी विधीमंडळाच्या पावसाळी अधिवेशनात कर्जत-जामखेड येथील एमआयडीसीचा मुद्दा चांगलाच लावून धरला आहे. या एमआयडीसीसाठी ते आक्रमक असून एमआयडीसी जागेप्रश्नी नीरव मोदींचे नाव समोर आले आहे. त्यावर आता आरोप-प्रत्यारोप सुरू झाले आहे.

रोहित पवार म्हणाले की, राम शिंदे यांनी जो आरोप केला, आणि ज्या जागेबद्दल बोलत आहेत ती जागा राम शिंदे आमदार असताना म्हणजेच २०११ ते २०१४ या कालावधीत घेतलेली आहे. या जमिनी घेत असताना नीरव मोदींना कोणी मदत केली, याची चौकशी करण्याची मागणी रोहित पवार यांनी केली. तसेच ही जागा ईडीने ताब्यात घेतली आहे. मात्र एमआयडीसीच्या सर्व्हेमध्ये ती जागा नाही.

दरम्यान ईडीची कारणे न देता एमआयडीसीबाबत अधिसूचना काढण्यासाठी मी मंत्री महोदयांना विनंती करतोय. मंत्री महोदयांची दोन दिवसांपूर्वी बैठक आयोजित करण्यात आली होती. मात्र त्याला मंत्रीमहोदय आले नव्हते. आता विधानसभा अध्यक्षांनी बैठक बोलवली आहे. त्याचा मान मंत्री महोदयांनी ठेवावा, असंही रोहित पवार यांनी म्हटलं.