मुंबईः महाराष्ट्राच्या राजकारणामध्ये मागच्या काही दिवसांपासून उलथापालथ झालेली बघायला मिळत आहे. या परिस्थितीमुळे जनतेच्या मनात नेमकं काय सुरुय? याचा कल जाणून घेण्याचा प्रयत्न सकाळ समूहाने केला आहे.

सकाळ समूहाच्या वतीने करण्यात आलेल्या सर्व्हेमध्ये ७४ हजार ३३० मतदारांनी सहभाग घेतला. या मतदारांकडून विविध राजकीय मुद्द्यांचा परामर्श घेण्यात आला. पक्ष म्हणून लोकांनी भाजपला पसंती दिलेली असली तरी मित्रपक्षांच्या समूहांपैकी महाविकास आघाडीला पसंती दिलेली आहे.

विद्यमान राजकीय परिस्थितीमध्ये सर्वच पक्ष गटागटाने विभागले गेलेले आहेत. राज ठाकरेंनी मात्र 'एकला चलो रे' भूमिका घेतलीय. सदरील सर्व्हेमध्ये मात्र २.८ टक्के मतदारांनी मनसेला पसंती दिली आहे. २०२४च्या विधानसभा निवडणुकीत मनसेबाबत उदासीनता असल्याचं मिळालेल्या कलांमधून दिसून येतंय.

विधानसभा निवडणुकीत कोणत्या पक्षाला किती पसंती?

• भाजप २६.८%

• काँग्रेस १९.१%

• राष्ट्रवादी शरद पवार १४.९%

• राष्ट्रवादी अजित पवार ५.७%

• एकनाथ शिंदे ४.९%

• उद्धव ठाकरे १२.७%

• मनसे २.८%

• शकेाप ०.४%

• वंचित २.८%

• AIMIM ०.४%

• स्वाभिमानी ०.३%

• प्रहार ०.३%

• बविआ ०.६%

• केसीआर ०.८%

• आप ०.७%

• अपक्ष १%

• इतर ५.५%

महाविकास आघाडीच्या बाजूने जनतेचा कौल

महाविकास आघाडी

• काँग्रेस- 19.1%

• राष्ट्रवादी (शरद पवार)- 14.9%

• उद्धव ठाकरे- 12.7%

• एकूण- 46.7%

महायुती

• भाजप- 26.8%

• राष्ट्रवादी (अजित पवार)-5.7%

• शिवसेना (शिंदे)- 4.9%

• एकूण- 37.4%

महाविकास आघाडी की महायुती? अशी गोळाबेरीज केल्यास ४६.७ टक्के मतदारांचा कौल महाविकास आघाडीच्या बाजूने दिसून येतोय. दुसरीकडे ३७.४ टक्के मतदारांचा कौल महायुतीच्या बाजूने दिसून येत आहे.