महाराष्ट्रात किराणा दुकानांमध्ये वाइन मिळणार असल्याची घोषणा राज्य सरकारने केली. यानंतर विरोधकांनी महाविकास आघाडीवर निशाणा साधला आहे. महाराष्ट्राला मद्यराष्ट्र केल्याचं वक्तव्य विरोधी पक्षनेते देवेंद्र फडणवीस यांनी केलं होतं. त्यावर महाविकास आघाडी काँट्रोव्हर्सीत आली आहे. आता संजय राऊत यांनी फडणवीसांवर आरोप केला आहे.

फडणवीस सरकारने दारूची होम डिलिव्हरी ऑनलाइन करण्याचे धोरण आखलं, ते काय होते? असा प्रश्न राऊत यांनी उपस्थित केला. भाजप खासदार साध्वी प्रज्ञा म्हणाल्या की 'दारू हे औषध आहे' आणि ते कमी प्रमाणात प्या, असा दाखला राऊत यांनी दिलाय. संजय राऊत महाराष्ट्रातील सुपरमार्केट आणि वॉक-इन स्टोअरमध्ये वाइन विक्रीला परवानगी देण्याच्या सरकारच्या निर्णयाच्या पाठिशी आहे. त्यांनी यासंदर्भात भाजपवर निशाणा साधलाय.