राष्ट्रवादीचे सर्वेसर्वा शरद पवार यांच्या नेतृत्वाखाली आज बैठक पार पडली. यावेळी पवार यांनी पक्षातील नेत्यांना कानपिचक्या मारत आमदारांना सूचना दिल्या. (Sharad Pawar holds meeting with NCP leaders for Lok Sabha assembly polls )

यशवंतराव चव्हाण सेंटर, मुंबई येथे पक्षाच्या कोअर कमिटीची बैठक सर्व प्रमुख नेत्यांच्या उपस्थितीत राष्ट्रवादीची बैठक पार पडली. यावेळी राज्यातील व देशातील घडामोडींच्या पार्श्वभूमीवर पक्षाच्या सद्यस्थितीचा शरद पवार यांनी आढावा घेतला. तसेच काही सूचना देखील दिल्या.

महाविकास भक्कम ठेवा. लोकसभा विधानसभा मविआतूनच लढू, अशी सूचना देत राष्ट्रवादी सोडण्याच्या वाटेवर असलेल्या नेत्यांचे शरद पवार यांनी कान टोचले.

बैठकीत नेमकं काय घडलं?

महाविकास आघाडीतच लोकसभा - विधानसभा निवडणूक लढवायची आहे. कर्नाटक मध्ये जो ट्रेण्ड आहे तो महाराष्ट्रात आहे. भाजप नको. त्यांची सत्ता येऊ नये असा मतदाराणी कौल दिला आहे. जनमत भाजप विरोधात आहे. जो पक्ष भाजप बरोबर जाईल त्यांना कर्नाटक मद्ये मत दिले नाही. तसेच महाराष्ट्रात चित्र आहे. अस बैठकीत पवार यांनी नेत्यांना सांगितलं आहे.

तसेच, ज्या मतदारसंघात राष्ट्रवादी दोन क्रमांक वर आहे त्याची जबाबदारी विभागावर नेत्यांना दिली आहे. उत्तर महाराष्ट्राची जबाबदारी एकनाथ खडसे, कोकण - सुनिल तटकरे आणि ठाणे पालघरची धुरा जितेंद्र आव्हाड यांच्यावर सोपवण्यात आली आहे.