मुंबई -राज्याच्या राजकारणात सातत्याने नवनवीन घडामोडी घडत आहेत. राष्ट्रवादी काँग्रेसमध्ये फूट पडल्यानंतर अजित पवार आणि शरद पवार असे दोन गट झाले आहेत. मंत्रीमंडळात सामील होऊन मंत्रीपदे घेतल्यानंतर शरद पवारांची समजूत काढण्याचा प्रयत्न अजित पवार गटाकडून होत आहे. या पार्श्वभूमीवर आज अजित पवार गटाने वायबी सेंटर येथे शरद पवारांची घेतली.

अजित पवार यांच्या नेतृत्वात प्रफुल्ल पटेल आणि आमदार वायबी सेंटरवर दाखल झाले होते. यावेळी त्यांनी शरद पवार यांची भेट घेतली. यावेळी आमदारांनी शरद पवार यांना पक्षात फुट पडू देऊ नये, अशी विनंती केली. तर शरद पवार यांनी उपस्थित आमदारांना आपआपल्या भागात पेरण्या झाल्या का, याबाबत विचारणा केली.

अजित पवार गटाकडून सातत्याने शरद पवारांची समजूत काढण्याचा प्रयत्न सुरू असल्याचं दिसून येत आहे. काल रविवारी देखील अजित पवार गटाच्या नेत्यांनी शरद पवारांची वायबी सेंटर येथे भेट घेतली होती. आज देखील भेट घेण्यात आली. या भेटीनंतर प्रफुल्ल पटेल म्हणाले की, आज देखील आम्ही शरद पवार यांना पक्षात फूट देऊ नये, अशी विनंती केल्याचं सांगितलं.