अखिल भारतीय आखाडा परिषदेचे महंत नरेंद्र गिरी यांच्या मृत्यूबद्दल खासदार संजय राऊत यांनी व्यक्त केला. अयोध्येत उद्धव ठाकरे जाणार होते तेव्हा आम्ही त्यांच्या आशीर्वादासाठी जाणार होतो. त्यांची आत्महत्या जरी म्हणत असाल तरी त्यांच्या भक्तांना ती हत्या वाटते. त्यात षडयंत्र काय आहे याचा तपास होणे गरजेचे आहे.

महाराष्ट्रात जमावाच्या मारहाणीत साधूचा मृत्यू झाला. तेव्हा देशभरातून आवाज उठला. नरेंद्र गिरींच्या मृत्यूचं प्रकरण समोर आलं तेव्हा उत्तर प्रदेशात हिंदूत्वाचा गळा घोटला. त्यांच्या मृत्यू प्रकरणाची सीबीआय चौकशी व्हावी. ते आत्महत्या करतील असं वाटत नाही. याची कारणं शोधण्याची गरज आहे. आणि ती कोणी शोधायची हे ठरवायला हवं. अत्यंत दुर्दैवी प्रकार आहे. कोणतीही हिंदुत्वाचा गळा घोटतंय असं मला क्षणभर वाटलं असं राऊतांनी म्हटलं.

राज्यातील सरकार अस्थिर करण्याचा प्रयत्न सुरु आहे. त्याबाबत विचारले असता राऊत म्हणाले की, महाराष्ट्रातील व्यवस्था ही तीन पक्षांची आहे. शरद पवार हे देशाचे नेते आहे. राज्याचं सरकार पाच वर्षे चालेल आणि याला संपूर्ण महाराष्ट्राची मान्यता आहे.

उद्धव ठाकरेंचे सरकार हे अलिबाबा आणि चाळीस चोर असं सोमय्या म्हणाले. तर ते काहीही उपमा देऊदेत आम्ही त्यांना ओळखत नाही. कोणाकडे काही माहिती असेल तर घ्यावी आणि राज्यातील पोलिसांना द्यावी. राज्यातील सरकार हे कायद्याच्या चौकटीत राहून काम करणारे सरकार आहे. आम्हाला नियम कायदे आणि कामाच्या पद्धती माहिती आहेत असे राऊतांनी सांगितले.

कोणी चिखल उडवायचं ठरवलं असेल तर त्यांचा प्रश्न आहे. अशा गोष्टींमध्ये दुर्लक्ष केलेलं बरं. आरोप प्रत्यारोप होत असतात आणि तुम्ही कोणत्या पातळीवर जाऊन तुम्ही या गोष्टी करतात हे पाहायला हवं असं राऊत म्हणाले.