भाजप नेते देवेंद्र फडणवीस आणि राष्ट्रवादीचे नेते अजित पवार यांचा पहाटेचा शपथविधी होऊन आता तीन वर्षांपेक्षा जास्त वेळ उलटला आहे. मात्र तो शपथविधी राजकीय वर्तुळात अजूनही चर्चेत असतो. देवेंद्र फडणवीस यांनी मुख्यमंत्री म्हणून तर अजित पवार यांनी उपमुख्यमंत्री म्हणून शपथ घेतली होती. (Latest Marathi News)

एका वृत्तवाहिनीला मुलाखत देताना दोन दिवसांपूर्वीच यावर भाष्य करताना देवेंद्र फडणवीस म्हणाले की, शरद पवारांनी तेव्हा डबलगेम केला. सर्व गोष्टी ठरल्या होत्या पण त्याआधी शरद पवार यांनी माघार घेतली. तर शरद पवार यांनी यावर उत्तर देताना म्हंटलं की, आम्ही गुगली टाकली आणि ते आऊट झाले. यावर आता राष्ट्रवादीच्या कार्याध्यक्ष आणि खासदार सुप्रिया सुळे यांनीही आता प्रतिकीया दिली आहे.(Latest Marathi News)

२०१९ चा शपथविधीबाबत तुम्हाला माहिती होते का, यावर सुळे म्हणाल्या कि, “२०१९ चा शपथविधी? नाही त्यावेळी मला काहीच माहित नव्हतं. मी कशातच नव्हते. इतके डिटेल्स मला माहिती नव्हते. पहाटेच्या शपथविधीची बातमी मला सदानंद सुळे यांनी दिली. तेव्हा मी झोपले होते.” असं सुप्रिया सुळे यांनी म्हटलं आहे.(Latest Marathi News)

पुढे त्या म्हणाल्या कि, 'मी त्यावेळी दादाशी नेता म्हणून आणि भाऊ म्हणून मी संपर्कात होते. आमच्या फॅमिलीतील सगळेच एकमेकांच्या संपर्कात असतात. मी खरंतर देवेंद्र फडणवीस यांचे आभार मानते. कारण ते खूप छान पद्धतीने बोलले. तीन दिवस आधी शरद पवारांनी मन बदललं, मग आम्ही शपथ घेतली. देवेंद्र फडणवीस यांनीच हे वास्तव मांडलं.(Latest Marathi News)

'शपथविधीच्या आधी तीन दिवस होते त्यामध्ये शरद पवार नव्हते हे देवेंद्र फडणवीस यांनीच सांगितलं आहे. दादाच्या मनात तेव्हा काय घालमेल झाली माहित नाही. मी कधी या विषयावर बोलले नाही. आता झालेल्या गोष्टी किती दिवस बोलणार? देवेंद्र फडणवीस यांच्याकडे काहीच विषय नसले तर ते शपथविधीचा विषय काढतात असा खोचक टोलाही सुप्रिया सुळे यांनी लगावला आहे. झी २४ तास या वाहिनीच्या 'ब्लॅक अँड व्हाईट' या कार्यक्रमात सुप्रिया सुळेंची मुलाखत होती. त्यात त्यांनी हे वक्तव्य केलं आहे.