मुंबई : राष्ट्रवादीचे अध्यक्ष शरद पवार यांना धमकीचा फोन आला आहे. सकाळी कुर्डुवाडी येथे दौऱ्यासाठी येऊ नये असा फोन शरद पवारांना आला होता. मात्र या फोननंतरसुद्धा शरद पवारांनी हा नियोजित दौरा पूर्ण केला आहे.

(Threat Call to Sharad Pawar)

दरम्यान, सकाळी कुर्डुवाडी येथे दौऱ्यासाठी येऊ नये अशी धमकी एका अज्ञात व्यक्तीकडून देण्यात आली होती, असे वृत्तवाहिन्यांनी म्हटलं आहे. मात्र, त्या धमकीच्या फोननंतरही शरद पवारांनी आपला दौरा कायम ठेवत सकाळी कुर्डुवाडी येथील दौरा पूर्ण केला आहे. फोन करणारी व्यक्ती कोण आहे आणि ही धमकी त्याने का दिली याची माहिती अद्याप समोर आलेली नाही. पवारांना धमकी दिल्याच्या वृत्ताबाबत अद्याप पोलिसांकडून दुजोरा मिळू शकलेला नाही.