मुंबई : राज्यातील कार्यरत असलेल्या २१ सैनिकी शाळांच्या (Army school) आदिवासी तुकड्यांवर (tribal units) नियुक्त असलेले शिक्षक (teachers) मागील पाच महिन्यांपासून वेतनाविना (without salary) असून त्यामुळे त्यांच्यावर उपासमारीची (financial crisis) वेळ ओढवली आहे. त्यामुळे सरकारने या शाळांतील शिक्षकांचे रखडलेले वेतन तात्काळ अदा करावे अशी मागणी शिक्षक आमदार नागो गाणार (Nago Ganar) यांनी मुख्यमंत्री उद्धव ठाकरे (cm uddhav Thackeray) यांना पत्र लिहून केली आहे.

२१ सैनिकी शाळांच्या आदिवासी तुकड्यांवर नियुक्त असलेले शिक्षक हे वेतन मिळत नसल्याने संकटात सापडले आहेत. त्यात कोरोनामुळे त्यांना जीवन जगणे कठीण झाले आहे. सरकारने त्यांचे वेतन रोखून त्यांना जीवन जगण्याच्या अधिकारापासूनच वंचित ठेवण्याचा प्रकार केला असून ही बाब अत्यंत वाईट असल्याचे सांगत गाणार यांनी सरकारच्या या कृतीचा खेदही व्यक्त केला आहे. तसेच याविषयी आदिवासी विकास मंत्री ॲड. के.सी. पाडवी यांनीही लक्ष घालून त्यावर तातडीने मार्ग काढावा अशी विनंती केली आहे.