राष्ट्रवादी काँग्रेसमध्ये अजित पवार यांनी समर्थक आमदार यांनी बंड केलं आणि मंत्रिपदाची शपथ घेतली. अजित पवार गट शिवसेना आणि भाजपसोबत सत्तेत सहभागी झाला. त्यामुळे राष्ट्रवादीत दोन गट पडले. दोन्ही गट आपणच अधिकृत राष्ट्रवादी काँग्रेस असल्याचा दावा करत आहेत. राष्ट्रवादी काँग्रेसमधील या फुटीच्या पार्श्वभूमीवर आगामी निवडणुकीत अनेक प्रश्न निर्माण होण्याची शक्यता आहे. कोणते नेते कोणत्या विधानसभा, लोकसभा मतदारसंघातून निवडणूक लढवणार? हा एक महत्वाचा मुद्दा समोर येईल.(Latest Marathi News)

तर राष्ट्रवादी काँग्रेसमधील या फुटीनंतर बारामतीमध्ये काय होणार? याकडे राजकीय जाणकारांचे लक्ष लागले आहेत. सुप्रिया सुळे यांना पवार कुटुंबातूनच आव्हान मिळणार का? असा प्रश्न अनेकांच्या मनात आहे. तर बारामतीतून यावेळी कोण उभं राहणार हाही प्रश्न निर्माण झाला आहे.(Latest Marathi News)

राष्ट्रवादीत दोन गट पडल्यामुळे बारामतीत काय होणार? याबाबतची चर्चा राजकीय वर्तुळात रंगली आहे. आज रोहित पवारांना पत्रकार परिषदेमध्ये सुप्रिया सुळे विरुद्ध पार्थ पवार असा सामना होणार का? असा प्रश्न विचारण्यात आला. त्यावर त्यांनी 'बारामतीत सुप्रिया सुळे विरुद्ध पार्थ पवार निवडणूक होणार नाही अशी प्रतिक्रिया दिली आहे.(Latest Marathi News)

तर पुढे बोलताना रोहित पवार म्हणाले की, 'अजितदादा तशी भूमिका घेणार नाहीत. बारामती विधानसभेवर फक्त अजितदादाच निवडून येऊ शकतात. दुसरं कुणी नाही, अजितदादा कुटूंबाच्या बाबतीत तशी भूमिका घेणार नाहीत'. तर अजित पवार यांच्या विरोधात मी निवडणूक लढवणार नाही, माझ्या कुटूंबातील कुणीही निवडणुकीला उभं राहणार नाही, अजितदादांनी केलेल्या कामावर दादाच निवडून येणार, लोकसभेला पण कुणी कितीही प्रचार केला तरी सुप्रिया सुळे निवडून येणार' असंही पुढे रोहित पवार म्हणाले आहेत.(Latest Marathi News)