12 th Fail Vikrant Messey Movie Disney Hot star OTT : प्रसिद्ध दिग्दर्शक आणि निर्माते विधू विनोद चोप्रा हे नेहमीच त्यांच्या वेगळ्या कलाकृतींसाठी ओळखले गेलेले सेलिब्रेटी आहेत. त्यांच्या थ्री इडियट्स, परिंदा, मुन्नाभाई एमबीबीएस, सारख्या चित्रपटांना प्रेक्षकांचा तुफान प्रतिसाद मिळाल्याचे दिसून आले. या सगळ्यात चर्चा झाली ती १२ वी फेलमधल्या मनोज कुमारची.

विक्रांत मेस्सीनं १२ वी फेलमध्ये मनोज कुमारची साकारलेली भूमिका प्रचंड लोकप्रिय ठरली. त्या चित्रपटानं बॉक्स ऑफिसवर मोठी कमाई केली. त्याचवेळी विविध चित्रपट प्रदर्शित झाले असताना १२ वी फेलला चाहत्यांनी पसंती दर्शवली. या चित्रपटानं बॉक्सऑफिसवर ७० कोटींपेक्षा जास्त कमाई करुन एक वेगळा विक्रम केला. अशातच हा चित्रपट आता डिझ्नी हॉटस्टावर प्रदर्शित झाला आहे.

ओटीटीवर १२ वी फेल प्रदर्शित झाल्यानंतर त्याला प्रेक्षकांचा तुफान प्रतिसाद मिळाल्याची माहिती काही मीडिया रिपोर्टसनं दिली आहे. २९ डिसेंबर रोजी हा चित्रपट ओटीटीवर प्रदर्शित झाला. अवघ्या वीस कोटींमध्ये तयार झालेल्या या चित्रपटानं ७० कोटींहून अधिक कमाई केल्याचे दिसून आले. सनदी अधिकारी मनोज कुमार शर्मा यांच्या आयुष्यावर आधारित या चित्रपटानं प्रेक्षकांना जिंकून घेतले.

देशभरातील ६०० हून अधिक स्क्रिन्सवर १२ वी फेल प्रदर्शित झाला होता. त्याला मिळालेला प्रतिसादही जबरदस्त होता. त्यानंतर डिझ्नी हॉटस्टारवर देखील या चित्रपटानं विक्रमी कमाई केल्याचे दिसून आले आहे. डिझ्नीच्या आतापर्यतच्या शो मध्ये सर्वाधिक व्ह्यूज मिळालेल्या चित्रपटांमध्ये सर्वात मोठी बाजी १२ वी फेलनं मारली आहे.

२०२३ मध्ये डिझ्नी हॉटस्टारवर सर्वाधिक वेळा पाहिला गेलेला चित्रपट म्हणून १२ वी फेलचे नाव घेता येईल. विशेष म्हणजे प्रदर्शित झाल्यानंतर अवघ्या तीनच दिवसांत या चित्रपटानं ही विक्रमी कामगिरी केल्याचे दिसून आले आहे. मिंटनं याबाबत सविस्तर वृत्त दिलं आहे.