'रंग दे बसंती' या चित्रपटात दमदार भूमिका साकारणारा अभिनेता सिद्धार्थ हा दाक्षिणात्य चित्रपटसृष्टीत 'चॉकलेट बॉय' म्हणून ओळखला जातो. सिद्धार्थ त्याच्या खासगी आयुष्यामुळे नेहमीच चर्चेत राहिला आहे. चित्रपटसृष्टीतील अनेक अभिनेत्रींसोबत त्याचं नाव जोडलं गेलं आहे.

सिद्धार्थने २००३ मध्ये बालमैत्रीण मेघनाशी लग्न केलं होतं. मात्र या दोघांचा संसार फार काळ टिकला नाही. २००७ मध्ये त्यांनी घटस्फोट घेतला. सिद्धार्थचं नाव सोहा अली खान, श्रुती हासन आणि समंथा रुथ प्रभू या अभिनेत्रींसोबत जोडलं गेलं.

'रंग दे बसंती' या चित्रपटाच्या सेटवर सोहा आणि सिद्धार्थ एकमेकांच्या प्रेमात पडले. सोहामुळेच सिद्धार्थचा घटस्फोट झाला अशीही त्यावेळी चर्चा होती. सोहाशी ब्रेकअप झाल्यानंतर सिद्धार्थ आणि श्रुती हासन यांच्या अफेअर्सच्या चर्चा होऊ लागल्या. २०११ मध्ये हे दोघं लिव्ह-इन रिलेशनशिपमध्ये होते.

सिद्धार्थ आणि श्रुती पाचच महिने एकत्र राहू शकले. त्यानंतर या दोघांचं ब्रेकअप झालं. तेलुगू चित्रपट 'जबरदस्त'च्या सेटवर सिद्धार्थ आणि समंथा एकमेकांच्या जवळ आले. समंथा सिद्धार्थच्या प्रेमात आकंठ बुडाली होती. मात्र या दोघांचंही नातं फक्त दोन ते अडीच वर्षच टिकलं.

जेव्हा समंथाचं लग्न नागचैतन्य अक्किनेनीशी जुळलं होतं, तेव्हा सोशल मीडियावर पोस्ट लिहित सिद्धार्थने तिला टोमणा मारला होता. तर सिद्धार्थ हा कॅसानोव्हा असल्याची टीका समंथाच्या एका मैत्रिणीने केली होती.