मुंबई- अभिनय क्षेत्रातून राजकीय क्षेत्रात गेलेल्या उर्मिला मातोंडकरचं इंस्टाग्राम अकाऊंट हॅक झालं आहे. उर्मिलाने याची संबंधित तक्रार महाराष्ट्र पोलिस सायबर सेलमध्ये दाखल केली आहे. याबाबतची माहिती उर्मिलाने स्वतः तिच्या एक दुस-या एका सोशल मिडिया अकाऊंटवरुन दिली आहे. 

हे ही वाचा: 'या' दोन सामाजिक संदेश देणाऱ्या शॉर्टफिल्म्सचा 'गोवा शॉर्टफिल्म फेस्टिव्हल' मध्ये सन्मान

उर्मिला मातोंडकरने पोलिसांमध्ये तक्रार दाखल करण्यासोबतंच तिने तिच्या ट्विटर अकाऊंटच्या माध्यमातून याबाबत माहिती दिली आहे. उर्मिलाने ट्विट करत म्हटलंय की 'माझं इंस्टाग्राम अकाऊंट हॅक झालं आहे. पहिले त्यांनी डीएम म्हणजेच डायरेक्ट मेसेज करुन अकाऊंट वेरिफाय करण्यासाठी काही स्टेप्स फॉलो करायला सांगितल्या आणि नंतर अकाऊंच हॅक केलं. खरंच??'

त्यानंतर उर्मिलाने दुस-या एका ट्विटमध्ये सांगितलं की तिने या घटनेची एफआयआर महाराष्ट्र सायबर सेलमध्ये दाखल केली आहे. यासोबतंच उर्मिलाने विनंती केली आहे की 'सायबर हल्ल्यांना हलक्यामध्ये घेऊ नका. महिलांनी सायबर हल्ल्यांना कमी समजू नये. मी जेव्हा पोलिस स्टेशनमध्ये माझं इंस्टाग्राम अकाऊंट हॅक झाल्याची एफआयआर दाखल करण्यासाठी गेले तेव्हा तेथील मुंबई पोलिस सायबर हल्ल्याच्या उपायुक्त रश्मी करंदीकर भेटल्या आणि त्यांनी मला याविषयीची अधिक माहिती दिली. ही माहिती निश्चितंच मला भविष्यात कामी येईल.'

उर्मिला मातोंडकर पहिली अभिनेत्री नाहिये जिचं सोशल मिडिया अकाऊंट हॅक झालं आहे. याआधी अनेक सेलिब्रिटींचे सोशल मिडिया अकाऊंट हॅक झाले आहेत. काही दिवसांपूर्वीच अभिनेत्री सुष्मिता सेनची मुलगी रेनेचं इंस्टाग्राम अकाऊंच हॅक झालं होतं ज्याची तक्रार तिने पोलिसांत केली होती. सोबतंच सोशळ मिडियानरुन देखील माहिती दिली होती.   

actress urmila matondkar instagram account hacked