Alia Bhatt mother Soni Razdan Compare Nepo Kids : बॉलीवूडमधील सेलिब्रेटी हे सेलिब्रेटी किड्सवर नेहमीच वेगवेगळ्या प्रकारे बोलताना दिसतात. सध्या प्रसिद्ध दिग्दर्शक झोया अख्तर यांच्या द आर्चिज नावाच्या चित्रपटाची मोठ्या प्रमाणावर चर्चा आहे. त्यामध्ये किंग खान शाहरुखची लाडकी लेक सुहाना खान, अमिताभ बच्चन-जया बच्चन यांचा नातू अगस्त्य आणि बोनी कपूर यांची मुलगी खूशी कपूर यांच्या प्रमुख भूमिका आहेत.

सोशल मीडियावर या सेलिब्रेटी किड्सवर मोठ्या प्रमाणात चर्चा सुरु झाल्या आहेत. नेटकऱ्यांनी त्या सेलिब्रेटींच्या मुलांवर तोफ डागली आहे. त्यांच्यावर सडकून टीका केली आहे. इतर कलावंतांना आपली कला सादर करण्यासाठी कित्येक वर्षांचा संघर्ष करावा लागतो. खूप वर्ष वाट वाट पाहावी लागते. या उलट सेलिब्रेटी किड्सला मिळणारी संधी त्यांच्यासाठी खूपच फायदेशीर ठरते.

सध्या प्रसिद्ध अभिनेत्री आलिया भट्टची आई सोनी राजदान यांच्या प्रतिक्रियेनं वेगळ्याच चर्चेला सुरुवात झाली आहे. त्यांनी नेपोटिझमवर प्रतिक्रिया दिली आहे. त्यांनी बॉलीवूडमधील सेलिब्रेटी आणि त्यांच्यातील नातेसंबंध यावरुन होणारा वाद याकडे लक्ष वेधले आहे. त्या व्हायरल झालेल्या एका पोस्टवरुन चर्चेला सुरुवात झाली आहे. स्टार किड्सवर किती मोठा दबाब असतो हे तुम्हाला माहिती आहे का, असा प्रश्नही त्यांनी यावेळी उपस्थित केला आहे.

फ्रेडी बर्डीनं इंस्टावर शेयर केलेल्या त्या पोस्टनं नेटकऱ्यांना प्रतिक्रिया देण्यास भाग पाडले आहे. त्यामध्ये त्या म्हणतात, जे लोक नेहमीच भाऊबंद मधील वादाचे कारण ठरतात त्यांना त्याचे फायदे तोटे चांगलेच माहिती असतात. मला एक सांगा मुलांना त्यांचे आई वडील जो व्यवसाय करतात तो नाकारण्याचा अधिकार आहे का, डेंटिस्टच्या मुलांना त्यांना त्याच प्रोफेशनमध्ये करिअर करावे असे वाटत असते.

मी देखील एक बाहेरची व्यक्ती होते. बॉलीवूडमध्ये येण्याचा प्रयत्न करत होते. यावेळी एक गोष्ट जाणवली ती म्हणजे तुम्ही जर येणाऱ्या संकटांना तोंड देण्यास सक्षम नसाल तर मग तुम्ही दुसरा एखादा व्यवसाय निवडा. जेणेकरुन तुम्हाला तुमचं आयुष्य वेगळ्या प्रकारे जगता येईल.

अनन्या, सुहाना, खुशी या सुपरस्टार्स आहेत. त्यामुळे त्यांच्याविषयी मला काही वेगळ्या प्रकारे बोलायचे नाही. राजदान यांच्या त्या प्रतिक्रियेवर नेटकऱ्यांनी तीव्र शब्दांत प्रतिक्रिया दिल्या असून त्याची मोठ्या प्रमाणावर चर्चा होताना दिसते.