Animal Movie Ranbir Kapoor Rahsmika Mandana : रणबीर कपूरच्या अॅनिलमनं एव्हाना सगळीकडे वेगवेगळ्या चर्चेला सुरुवात करुन दिली आहे. हा चित्रपट भलेही बॉक्स ऑफिसवर सुपरहिट झाला असेल मात्र आता त्यावरुन वेगवेगळ्या वादाला सुरुवात झाली आहे. खासकरुन महिला वर्गानं त्याबाबत नाराजी व्यक्त केल्याचे दिसून आले आहे.

त्या चित्रपटामध्ये एक सीन आहे. ज्यात रणबीर कपूर हा रश्मिकाला म्हणतो की, महिन्यातून चारवेळा पॅड चेंज करताना किती नाटक करतेस तू. मी रोज ५० वेळा ते करतो आहे. त्या संवादावरुन सोशल मीडियावर मोठ्या वादाला सुरुवात झाली आहे.

एकानं म्हटलं आहे की, त्या डायलॉगमधून उगाचच पीरियडसचा उल्लेख करण्याची गरज नव्हती. तसे केल्यानं दिग्दर्शक आणि कलाकार यांनी महिलांची नाराजी ओढावून घेतली आहे. त्यांच्यावर टीका होत आहे. जर तुम्हालाच काही माहिती नाही तर असे संवाद चित्रपटात घेताच कशाला, असेही काहींनी म्हटले आहे.

महिलेला प्रत्येक महिन्याला तो त्रास होतो. पण त्यामुळे तिचा काही मृत्यू होत नाही. पण त्या चित्रपटातून काहीही सांगून दिशाभूल करण्याचा आणि वाद निर्माण करण्याचा प्रयत्न करण्यात आल्याच्या प्रतिक्रियांना उधाण आले आहे.काहींनी दिग्दर्शक रेड्डी आणि अभिनेता रणबीर कपूर यांच्यावर तीव्र शब्दांत आगपाखड केली आहे.

एका युझर्सनं म्हटलं आहे की, अॅनिमलच्या लेखकाला कुणी सांगा की महिन्यात नव्हे तर दिवसभरातून चारवेळा पॅड बदलले जातात. दुसऱ्यानं लिहिलं आहे की, देवा हा किती मोठा अपमान आहे. लोकांना नेमकं काय आवडतं हेच आता कळेनासे झाले आहे, वांगानं डायपरला पॅड असे म्हटले आहे. त्यानं काय केलं आहे हेच त्याला माहिती नाही.