Bastar The Naxal Story Teaser Out : ज्यांनी द केरळ स्टोरी पाहिला असेल त्यांना दिग्दर्शक सुदिप्तो सेन कोण आहेत हे वेगळ्यानं सांगण्याची गरज नाही. दोन वर्षांपूर्वी त्यांच्या द केरळ स्टोरी चित्रपटावरुन मोठा वाद झाला होता. देशभरामध्ये या चित्रपटानं वेगळा माहौल तयार केला होता. त्यावरुन वेगवेगळ्या प्रतिक्रियाही समोर आल्या होत्या. यात आता अदा शर्माच्या द बस्तर स्टोरीचा टीझर व्हायरल झाला आहे.

'द केरळ स्टोरी'मध्ये अदा शर्मानं (Adah Sharma Latest News) मुख्य अभिनेत्रीची भूमिका साकारली होती. त्यावरुन वाद झाला होता. द केरळ स्टोरीननंतर निर्माता विपुल शाह हे (The kerala story) दिग्दर्शक सुदीप्तो सेन यांच्यासोबत बस्तर द नक्सल स्टोरी (Bastar The Naxal story teaser latest marathi news) नावाचा चित्रपट घेऊन येत आहेत. त्याचा टीझर आता समोर आला आहे, गेल्या काही दिवसांपासून या चित्रपटाची मोठ्या प्रमाणावर चर्चा होती. सोशल मीडियावर त्यावरुन वेगवेगळ्या प्रतिक्रियांना उधाण आले आहे.

बस्तर द नक्सल स्टोरी नावाचा चित्रपट हा येत्या १५ मार्च रोजी प्रदर्शित होणार आहे. त्याच्या टीझरला चाहत्यांचा प्रतिसाद मिळताना दिसत आहे. त्या टीझर मध्ये अदा शर्मा म्हणते की, पाकिस्तानसोबत झालेल्या युद्धामध्ये आतापर्यत आठ हजारांहून अधिक जवान शहीद झाले आहेत. मात्र तुम्हाला दुसरी गोष्ट माहिती आहे का, आपल्या देशात नक्षल्यांनी १५ हजारांपेक्षा जास्त जवानांची हत्या केली आहे.

बस्तमध्ये ७६ जवानांना नक्षल्यांनी ज्या क्रुरतेनं मारलं त्याला तुम्ही काय म्हणाल, त्यावरुन जेएनयु सारख्या विद्यापीठात सेलिब्रेशन करण्यात आले होते. आपल्या देशातील सर्वाधिक प्रतिष्ठित विद्यापीठात जर असे होत असेल तर...बस्तरमध्ये नेमकं काय शिजतंय...असा प्रश्न विचारत अदा शर्मा म्हणते येत्या काळात या घटनांचा बंदोबस्त मी करणार आहे.

बस्तर द नक्सल स्टोरी मध्ये अदा शर्मा ही नीरजा माधवनच्या भूमिकेत दिसणार आहे. अदानं या चित्रपटाचा टीझर शेयर करताना म्हटले आहे की, निरपराध लोकांच्या रक्ताची ती कहाणी आहे. गेल्या ऑक्टोबरमध्ये सुरु झालेले शुटींग दोन महिन्याच्या आत संपवून पूर्ण केले. पहिल्यांदा हा चित्रपट ५ एप्रिल रोजी प्रदर्शित होणार होता आता तो १५ मार्च रोजी प्रदर्शित होणार असल्याचे सांगण्यात येत आहे.