Bigg Boss Marathi 4: बिग बॉस मराठी ४ चं पर्व आता त्याच्या शेवटाकडे प्रवास करत आहे. शो च्या उत्तरार्धात मोठे राडे आपल्याला पहायला मिळत आहे. खरंतर आता घरात ४ पुरुष आणि ३ महिला उरल्यात. पण पुरुषांपेक्षा स्त्रियाच अधिक भांडताना घरात दिसत आहेत. एकमेकींचे एकमेकींविरोधात कान भरणं इथवर ठीक आहे हो..पण थेट दोन महिलांची हाणामारी ती देखील तुंबळ युद्धागत पहायला मिळणं हे जरा अतिच होताना दिसतंय. आता सध्या जो प्रोमो सोशल मीडियावर व्हायरल होतोय त्यानं तर डोळे अन् कान दोन्हीवर हात ठेवायची वेळ आली.(Bigg Boss Marathi 4: Fight between Rakhi Sawant and Amruta Dhongade)

सध्या बिग बॉस मराठीचा एक नवा प्रोमो सोशल मीडियावर व्हायरल होत आहे. ज्यात अमृता धोंगडेनं पुन्हा 'मी नाही त्यातली,कडी लाव आतली' या आपल्या स्वभावाची पुन्हा एकदा झलक दाखवली. त्याचं झालं असं की राखी सावंत वॉशरुममध्ये असताना अमृतानं बाहेरुन दरवाजाला कडी लावली. आणि राखी बराच वेळ वॉशरुममध्ये अडकून पडली...आता राखीच ती...पारा चढल्यावर ती काय करु शकते याचा अंदाज एव्हाना राखीला ओळखणाऱ्यांच्या लक्षात आलाच असेल.

दरवाजा उघडला अन् घरातील प्रत्येकाला राखीचा रुद्रावतार पहायला मिळाला. जेव्हा तिला कळलं की ही करतूत अमृताची आहे तेव्हा आधीतर तिनं आपला चेहरा रंगवला...केस मोकळे केले अन् थेट अमृताच्या अंगावर बादलीभर पाणी आणून ओतलं अन् तिचा मागनं गळाच पकडल्या सारखं प्रोमो व्हिडीओत दिसत आहे. राखीच्या तावडीतून अमृता धोंगडेला सोडवायला अक्षय अन् प्रसाद गेले म्हणून थोडक्यात बचावली ती.. नाहीतर राखीनं तिचं काय केलं असतं हे देवच जाणे. सध्या हा प्रोमो पाहून लोकांना आजचा एपिसोड पहायची उत्सुकता लागून राहिली आहे.