PM Modi News: काल चार राज्यांच्या निवडणुकांचे निकाल समोर आले आहेत. राजस्थान, छत्तीसगड, तेलंगणा, मध्यप्रदेश अशा चार राज्यांच्या निवडणुकांमध्ये तीन राज्यात भाजपचं वर्चस्व दिसुन आलं. तेलंगणा वगळता इतर तिन्ही राज्यांमध्ये भाजप विजयी झालेली दिसुन येतेय.

अशातच बिग बॉस मराठी १ ची विजेती अभिनेत्री मेघा धाडेने भाजपच्या विजयबद्दल त्यांचं अभिनंदन केलंय.

मेघा धाडेने नरेंद्र मोदींचं अभिनंदन करणारा फोटो शेअर केलाय. या फोटोखाली मेघा लिहीते, भारतीय जनता पार्टी झिंदाबाद....
जय श्रीराम...
तिन्ही राज्यातल्या जनतेचे मनापासून अभिनंदन...
तिन्ही राज्यातल्या कार्यकर्त्यांचे
मनापासून अभिनंदन...
तेलंगणा राज्यातही भाजपाचा प्रवेश झाला....तेथील जोमाने काम करणार्‍या पक्ष कार्यकर्त्यांचे अभिनंदन...

मेघा धाडे शेवटी लिहीते, "सनातन हिंदू धर्म संपवण्याचे भाष्य करणार्‍या पक्षांना जनतेने त्यांची जागा दाखवून दिली....

सहकाऱ्यांनो आपणही अशीच मेहनत घेऊन येणाऱ्या निवडणुकांमधे मिळणार्‍या यशात, सांस्कृतिक प्रकोष्ठ म्हणून खारीचा नाही तर सिंहाचा वाटा उचलू.... जय हिंद.."

अभिनेत्री कंगना रणौतनेही केलं मोदींचं कौतुक

काल निवडणुकीचे निकाल पाहून कंगना रणौतनेही एका ट्विटमध्ये लिहिले आहे की, 'जो सनातन रावणाच्या अहंकाराने मिटला नाही, जो सनातन कंसाच्या गर्जनेनेही डळमळला नाही, जो सनातन बाबरच्या अत्याचाराने मिटला नाही आणि जौ सनातन औरंगजेबाच्या अत्याचाराने मिटला नाही. हाच सनातन पप्पू पनौतीच्या प्रयत्नाने संपेल का? याशिवाय प्रभु रामाचे आगमन झालंय, अशा शब्दात कंगनाने मोदींचं कौतुक करत राहूल गांधी आणि कॉंग्रेसवर निशाणा साधलाय.