Neerja Punia News: रोडीज या लोकप्रिय शोमधील ट्रान्सजेंडर सदस्यावर खुलेआम गैरवर्तन घडल्याची धक्कादायक गोष्ट घडल्याचं उघडकीस आलंय

रोडीज मधील ट्रान्सजेंडर सदस्य नीरजा पुनिया तिच्या आवडत्या ढाब्यावर गेली असता तिला अडवण्यात आलं आणि तिच्यासोबत गैरवर्तन झाल्याचं उघडकीस आलंय.

नीरजा पुनिया ही हरियाणाची असून ती व्यवसायाने मॉडेल आहे. नीरजा म्हणाली, “श्री राम ढाबा हे माझे आवडते ठिकाण आहे. याच ठिकाणी मी अनेकदा चहा घ्यायला जातो. मात्र, त्या रात्री (६ नोव्हेंबर) व्यवस्थापकाने मला ढाब्यात जाण्यापासून रोखले."

नीरजा पुनिया पुढे म्हणाली, "मॅनेजरने मला सांगितले, 'नीरजा बाहेर या, मालकाला तुमच्याशी बोलायचंय.' मी त्याला विचारले की त्याला कशाबद्दल बोलायचे आहे. तर मालक म्हणाला, "इथे येऊन धंदे करू नकोस आणि इथे येणे बंद कर"

मी खुप दिवसांपासुन या ढाब्यावर येते पण पहिल्यांदाच माझ्यासोबत असं गैरवर्तन घडलं, असं नीरजा म्हणाली. (Latest Marathi News)

या घटनेबद्दल पुढे बोलताना नीरजा म्हणाली, "मालकाला वाटले की मी ढाब्यावर काहीतरी चुकीचं काम करतेय. पुढे मालकाने, निघून जा इथून असं मला ओरडून सांगितलं."

नीरजाने ढाब्याच्या मालकाला समजावण्याचा प्रयत्न केला. मात्र ही सगळी घटना घडत असताना कोणीही काहीही बोलले नाही, कारण हॉटेलमधील इतर कर्मचारी नोकरीच्या भीतीने गप्प बसले होते.

नीरजाने ढाब्याच्या मालकाविरुद्ध छळवणुकीचा आरोप केलाय.