Jawan Second Song Dil Tere Sang Jodiyaan: बॉलिवूडचा बादशाह शाहरुख खान हा सध्या त्याच्या जवान या चित्रपटामुळे चर्चेत आहे. जवानचा टिझर रिलिज झाल्यानंतर चाहत्यांची उत्सूकता आणखीनच वाढली. टिझरनंतर चित्रपटाच्या निर्मात्यांनी जिंदा बंधा हे गाणं रिलिज केलं ज्यानंतर तर शाहरुखच्या चाहत्यांनी चित्रपट सुपरहिट असल्यांचं सांगत सोशल मिडियावर धुमाकूळ घातला होता.

'जवान'चा ट्रेलर आणि 'जिंदा बंदा' ' या पहिल्या गाण्याला लोकांचे भरभरून प्रेम मिळालं आता जवानच्या 'दिल तेरे संग जोडीया' या दुसऱ्या गाण्याचा व्हिडिओ लीक झाला आहे. या व्हायरल होत असलेल्या व्हिडिओत शाहरुख खान नयनतारासोबत त्याच्या रोमँटिक स्टाईलमध्ये डान्स करताना दिसत आहे.

या व्हिडिओत नयनतारा शाहरुख खानसोबत समुद्राच्या मध्यभागी एका जहाजावर रोमान्स करतांना दिसत आहे. हे गाणे या महिन्यात रिलीज होणार आहे. जे अरिजित सिंग आणि शिल्पा राव यांनी गायलं आहे. तर फराह खानने या गाण्याला कोरिओग्राफ केले आहे.

शाहरुख खानचा 'जवान' चित्रपट 7 सप्टेंबरला रिलीज होत आहे. या चित्रपटात शाहरुख आणि नयनतारा ही जोडी पहिल्यांदाच स्क्रिन शेयर करणार आहेत तर विजय सेतुपती, रिद्धी डोगरा आणि सुनील ग्रोव्हर हे कलाकारही चित्रपटात दिसणार आहे.