'काहे दिया परदेस' मालिकेने लोकप्रियतेचं शिखर गाठलं. याच मालिकेत अभिनेता समीर खांडेकरने वेणुगोपाल कामत हि भूमिका साकारली. समीरच्या मुलीचं मकरसंकांती निमित्त बोरन्हाण झालंय. मकरसंक्रांती निमित्ताने समीर आणि त्याची बायको वैभवी या दोघांनी त्यांच्या लेकीच बोरन्हाण केलंय. राही असं या दोघांच्या मुलीचं नाव आहे.

बोरन्हाण म्हणजे काय असा प्रश्न तुम्हाला पडला असेल तर आम्ही त्याचं उत्तर देतो. १ ते ५ वर्षांच्या मुलांचे बोरन्हाण केले जाते. बोरन्हाण हा लहान मुलांचा कौतुक सोहळा असतो. यासाठी हलव्याचे दागिने घालून लहान मुलांना खास तयार केले जाते. पाटावर बसवून त्यांचे औक्षण केलं जातं. बोरं, ऊस, हरभरे, मुरमुरे, बत्तासे, हलवा, तिळाच्या रेवड्या, बिस्कीट, गोळ्या, असे सर्व पदार्थ एकत्र करून बाळाच्या डोक्यावरुन ते टाकले जाते. एकप्रकारे बाळाला या पदार्थांनी अंघोळ घातली जाते.

समीर आणि वैभवी या दोघांनी मुलीचा बोरन्हाण सोहळा साजरा केला. या खास सोहळ्यासाठी समीर यांचं संपूर्ण कुटुंब एकत्र आलेलं. समीर आणि वैभवीने राहीला खास ब्लॅक रंगाचा ड्रेस घालून तयार केले होते. तिच्या अंगावर हलव्याचे दागिने घातले होते. या दोघांनी मुलीचं खास फोटोशूट केलं.

समीर, वैभवी आणि राही या तिघांच्या फोटोशूटला त्यांच्या फॅन्सनी लाइक्स आणि कमेंट्स चा वर्षाव केलाय. समीरने काहे दिया परदेस मालिकेतून लोकप्रियता मिळावली. याशिवाय लकडाऊन, कॅरी ऑन मराठा, लव्ह लग्न लोचा, टाईमपास २ अशा सिनेमांमध्ये काम केलंय. समीरने काहीच दिवसांपूर्वी आसोवा नावाने स्वतःचं यु ट्यूब चॅनल सुरु केलंय. या चॅनलच्या माध्यमातून समीर विविध व्हिडिओजच्या माध्यमातून प्रेक्षकांचं मनोरंजन करत असतो.