मुंबई- सुशांत प्रकरणात अभिनेत्री कंगना रनौट तिच्या पद्धतीने पहिल्यापासूनंच बॉलीवूजमधील काही खुलासे करत आहे. नुकतंच तिने आता ड्रग्स आणि बॉलीवूड कनेक्शन याबाबत नवे खुलासे केले आहेत. तिचे काही ट्विट्स समोर आले आहेत. या ट्विटमध्ये तिने बॉलीवूडमध्ये सगळ्यात प्रसिद्ध ड्रग कोणतं आहे याबाबत लिहिलं आहे. एवढंच नाही तर कंगनानं हे देखील म्हटलं आहे की ती नारकोटिक्स ब्युरो (NCB) यांची या तपासात मदत करण्यासाठी तयार आहे. मात्र त्याबदल्यात तिला केंद्र सरकारने सुरक्षा द्यावी.

हे ही वाचा: दिग्दर्शक महेश मांजरेकर यांना अंडरवर्ल्डमधून धमकी, ३५ कोटींच्या खंडणीची केली मागणी

सुशांत प्रकरणात जास्तच सक्रीय असलेल्या अभिनेत्री कंगना रनौटने काही ट्विट्स केले आहेत. यामध्ये तिने म्हटलंय, 'सिनेइंडस्ट्रीत सगळ्यात प्रसिद्ध ड्रग कोकिन आहे. याचा जवळपास प्रत्येक हाऊसपार्टीमध्ये वापर होतो. हे खूपंच महाग आहे मात्र सुरुवातीला जेव्हा तुम्ही कोणत्या उच्च दर्जाच्या हाऊसेजमध्ये जाता तेव्हा तेम मोफत दिलं जातं. MDMA चे क्रिस्टल पाण्यात टाकले जातात आणि तुमच्या नकळत ते तुम्हाला प्यायला दिले जातात.'

यासोबतंच कंगनाने आणखी एक ट्विट केलं आहे ज्यामध्ये तिने म्हटलंय, 'मी या प्रकरणात नारकोटिक्स ब्युरोची मदत करु इच्छिते. आणि हे त्यांच्यासाठी खूपंच फायदेशीर ठरु शकतं कारण मी हे सगळं स्वतः पाहिलं आहे. पण मला केंद्र सरकारकडून सुरक्षा हवी आहे. हे केवळं माझ्या करिअरसाठीच नाही तर माझ्या आयुष्यासाठीही धोकादायक ठरु शकतं. या गलिच्छ सिक्रेट्स बद्दल नक्कीच सुशांतला पुसटशी कल्पना असावी त्यामुळे त्याची हत्या करण्यात आली असावी.'   

यावर सुशांतची बहीण श्वेता सिंह किर्तीने देखील ट्विट केलं आहे. श्वेताने पंतप्रधान नरेंद्र मोदी आणि पीएमओला टॅग करत म्हटलं आहे की 'कंगनाला सुरक्षा द्या जेणेकरुन ती नारकोटिक्स ब्युरोची मदत करु शकेल.' रिया चक्रवर्तीचे ड्रग चॅट व्हायरल झाल्यानंतरचे या केसला पुन्हा एकदा नवीन वळण मिळालं आहे.    

kangana ranaut offers help to narcotics bureau in return ask for security from pmo