Jayvijay Sachan Wedding News: सध्या अनेक कलाकार विवाहबंधनात अडकत आहेत. काही दिवसांपुर्वी रणदीपने गर्लफ्रेंडसोबत लग्न केलं. याशिवाय स्वानंदी - आशिष, गौतमी - स्वानंद हे कलाकार सुद्धा लवकरच लग्नबंधनात अडकणार आहेत.

अशातच आणखी एका प्रसिद्ध कलाकाराने लग्नगाठ बांधली आहे. हा कलाकार म्हणजे जयविजय सचान. कपिल शर्मा शोमधील प्रसिद्ध अभिनेता आणि कॉमेडियन जयविजय सचानने लग्न केलंय. गायिका अभिरुची सिंगसोबत त्याने लग्नगाठ बांधली आहे.

जयविजयने केलं थाटामाटात लग्न

जयविजय आणि गायिका अभिरुची या दोघांनी थाटामाटात एकमेकांशी लग्न केलंय. त्यांच्या लग्नाला दोघांचे कुटुंबिय आणि मित्रमैत्रीण उपस्थित होते. यावेळी जयविजयने शेरवानी तर अभिरुचीने मॅचिंग साडी नेसली होती. दोघांच्या लग्नाचे सुंदर फोटो पाहताच लोकांनी त्यांच्यावर लाईक्स - कमेंट्सचा वर्षाव केलाय.

लग्नानंतर जयविजयची प्रतिक्रिया

जयविजयने लग्नाचे सुंदर फोटो पोस्ट केले आहे. या कॅप्शन लिहिलंय त्यांनी लिहिले, "22.12.23 - या दिवशी माझं एक स्वप्न पूर्ण झालं! शेवटी माझ्या आयुष्यातील प्रेमाशी लग्न केले आणि मला जे प्रेम आणि कृतज्ञता वाटतेय ते मी शब्दात व्यक्त करू शकत नाही. आमच्या कुटुंबियांनी आणि मित्रांनी हा दिवस खूप खास बनवल्याबद्दल धन्यवाद."

जयविजय शाहरुख खान, नवाझुद्दीन सिद्दीकी, पंकज त्रिपाठी अशा सुप्रसिद्ध कलाकारांची मिमिक्री करण्यासाठी लोकप्रिय आहे.