Pulkit Samrat-Kriti Kharbanda Wedding: बॉलिवूडमध्ये सध्या लग्नसराई सुरु आहे. या वर्षाच्या सुरुवातीला आमिर खानची (Aamir Khan) मुलगी आयरा खानचे लग्न थाटामाटात पार पडले. लवकरच रकुल प्रीत सिंग (Rakul Preet Singh) आणि जॅकी भगनानी (Jackky Bhagnani) हे विवाहबंधनात अडकणार आहेत. पुलकित सम्राट (Pulkit Samrat) आणि क्रिती खरबंदा (Kriti Kharbanda) यांचा लकरच लग्नसोहळा पार पडणार आहे. क्रिती आणि पुलकित यांचा विवाह सोहळा कधी पार पडणार आहे? जाणून घ्या...

क्रिती खरबंदा आणि पुलकित सम्राट हे दोघेही बी टाऊनचे लोकप्रिय जोडपे आहेत. एकमेकांना डेट केल्यानंतर आता दोघेही लग्न करणार आहेत.काही दिवसांपूर्वी दोघांनी एंगेजमेंट केले होते,आता लवकरच दोघे लग्नगाठ बांधणार आहे.

क्रिती आणि पुलकित कधी करणार लग्न?

क्रिती खरबंदा आणि पुलकित सम्राट हे मार्च 2024 मध्ये लग्नबंधनात अडकणार आहेत. रिपोर्टनुसार, 13 मार्चला क्रिती आणि पुलकित लग्नगाठ बांधणार आहे. पण या दोघांनी अद्याप त्यांच्या लग्नाच्या तारखेची माहिती चाहत्यांना दिलेली नाही.

पुलकितनं शेअर केला रोमँटिक फोटो

14 फेब्रुवारी 2024 रोजी पुलकित सम्राटने व्हॅलेंटाईन डेच्या निमित्ताने क्रिती खरबंदासोबतचा स्वतःचा एक रोमँटिक फोटो शेअर केला होता. या फोटोला त्यानं कॅप्शन दिलं, “डांसिंग ऑन द एज ऑफ ए लीप! आय डू आय डू आय डू"

पुलकितची चुलत बहीण रिया लुथरा हिने पुलकित आणि क्रितीचे एंगेजमेंट रिंग घातलेले फोटो शेअर केले होते. या फोटोवरुन लक्षात येते की या जोडप्याचा रोका सोहळा पार पडला आहे.

पुलकितनं आधी श्वेता रोहिरासोबत लग्नगाठ बांधली होती. लग्नाच्या काही वर्षानंतर पुलकित आणि श्वेता हे एकमेकांपासून विभक्त झाले.