Lightman dies on the sets of Imlie: स्टार्स प्लसवरील 'इमली' हा शो प्रेक्षकांच्या मोठ्या पंसतीचा आहे. मात्र या सेटवरुन एक धक्कादायक बातमी समोर आली आहे. गोरेगाव फिल्मसिटीतील घटना इमलीच्या सेटवर मोठी दुर्घटना घडली आहे.
या मालिकेच्या सेटवर विजेचा धक्का लागल्याने लाईटमनचा मृत्यू झाल्याची धक्कादायक घटना घडली आहे. ‘इमली’ या मालिकेच्या सेटवर काम करत असताना अचानक विजेचा धक्का लागल्याने ही दुर्घटना घडली आहे. मृत्यू झालेल्या व्यक्तीचे नाव महेंद्र यादव असं आहे.
मुंबईतील गोरेगाव येथील दादासाहेब फाळके चित्रनगरीमध्ये फिल्मसिटीमध्ये 'इमली' मालिकेचे शूटिंग सुरू होतं. यावेळीच लाईटमन महेंद्रला विजेचा तीव्र धक्का लागला. विजेचा धक्का लागताच त्याला तातडिने रुग्णालयात नेण्यात येत असतांना रुग्णवाहिकेतच महेंद्रचा मृत्यू झाला.
महेंद्र यादव हा 28 वर्षांचा होता. त्याला काही दिवसांपूर्वीदेखील विजेचा धक्का लागल होता मात्र त्यानंतर पुन्हा त्याला 19 सप्टेंबरला विजेचा धक्का लागला आणि महेंद्रला जीव गमवावा लागला.
महेंद्रने यापुर्वीही अनेक मालिकांसाठी लाईटमनचे काम केले होते. लाईटमनच्या मृत्यूनं सेटवरील सर्वांना याने धक्का बसला आहे. त्याला विजेचा धक्का कुठे आणि कसा लागला याबबात काही माहीती समोर आलेली नाही. मात्र या घटनेनंतर 'इमली' मालिकेचे शूटिंग थांबविण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.