Modi Ji Ki Beti Trailer Viral Memes: सोशल मीडियावर कधी काय ट्रेंड होईल हे सांगता येत नाही. कुणावर कोण कशा प्रकारचे मीम्स व्हायरल करेल याचाही अंदाज बांधता येत नाही. सध्या देशाचे पंतप्रधान नरेंद्र मोदी यांच्या नावाची सोशल मीडियावर जोरदार चर्चा आहे. मोदीजी की बेटी या नावानं एक फिल्म रिलिज होत आहे. त्याचा ट्रेलर व्हायरल झाला आहे. मात्र त्यावरुन नेटकऱ्यांनी जे मीम्स व्हायरल केले आहे त्याला मोठा प्रतिसाद मिळताना दिसतो आहे. अनेकांना कोण आहे मोदीजींची बेटी असा प्रश्न पडला आहे. एडी सिंग यांच्याद्वारे दिग्दर्शित या चित्रपटाच्या ट्रेलरनं नेटकऱ्यांचे लक्ष वेधून घेतले आहे.

मोदी जी की बेटीच्या ट्रेलरनं वेगळ्याच चर्चेला उधाण आले आहे. त्यावरुन नेटकऱ्यांचे चांगलेच मनोरंजनही झाले आहे. या नावान एक कॉमेडी फिल्म 14 ऑक्टोबरला प्रेक्षकांच्या भेटीला येणार आहे. जेव्हा त्याचा ट्रेलर सोशल मीडियावर व्हायरल झाला त्यानंतर मात्र नेटकऱ्यांची त्याला मोठ्या प्रमाणात पसंती मिळत असल्याचे दिसून आले आहे. या चित्रपटामध्ये विक्रम कोचर, पितोबाश त्रिपाठी आणि अवनी मोदी यांच्या प्रमुख भूमिका असणार आहेत.

सोशल मीडियावर #ModiJiKiBetiTrailer चा हॅशटॅग सुरु झाला आहे. तो चर्चेत आहे. ते पाहिल्यानंतर अनेक युझर्सला मोठा प्रश्न पडला आहे की, हा काय प्रकार आहे, अनेकांनी त्यावरुन वेगवेगळे गंमतीशीर मीम्स तयार केले आहेत. त्यामध्ये मोदीजींचा फोटो आणि एका मुलीचा फोटो आहे. बऱ्याच वेळानंतर नेटकऱ्यांना कळून चुकले की मोदीजी की बेटी नावाची फिल्म आहे. आणि ती पुढील महिन्यात प्रदर्शित होणार आहे. ही एक विनोदी फिल्म आहे.