Nana Patekar Viral Video: नाना पाटेकर हे हिंदी - मराठी मनोरंजन विश्वातले दिग्गज आणि लोकप्रिय अभिनेते. नाना पाटेकर यांनी आजवर विविध सिनेमांमधुन प्रेक्षकांंचं मनोरंजन केलंय.

नाना पाटेकर यांचा स्वभाव सर्वांना माहितच आहे. नाना अनेकदा त्यांच्या रोखठोक आणि सडेतोड वागण्या - बोलण्याने चर्चेत असतात. नाना पाटेकरांचा असाच एक व्हिडीओ सध्या सोशल मीडियावर व्हायरल झालाय. यावेळी सेल्फी घ्यायला आलेल्या फॅनला नानांनी जोरात लगावली आहे. हा व्हिडीओ सध्या चांगलाच व्हायरल झालाय.

नानांनी फॅनला जोरात लगावली

चित्रपट अभिनेते नाना पाटेकर हे सध्या उत्तर प्रदेशातील काशी येथे शुटींग करत आहेत. यासंबंधीचा एक व्हिडिओही सोशल मीडियावर व्हायरल होत आहे. ज्यामध्ये नाना पाटेकर शूटिंगच्या ठिकाणी एका सीनसाठी रेडी होत आहेत.

तेवढ्यात एक तरुण येऊन त्यांच्याजवळ उभा राहतो आणि सेल्फी घेण्याचा प्रयत्न करतो. नाना पाटेकर रागाच्या भरात त्याला जोरात लगावतात. पुढे युनिटमधली माणसं त्या तरुणाला बाहेर काढतात. नानांच राग अनावर झालेला दिसतो.

वाराणसीतील दशाश्वमेध घाटावर नानां सध्या त्यांच्या जर्नी चित्रपटाचे शूटिंग सुरू करत आहेत. या ठिकाणी हा किस्सा घडला. या सिनेमाची सध्या खुप चर्चा आहे.